सूत जुळलं! 50 वर्षीय शिक्षकावर 20 वर्षांच्या विद्यार्थिनीचं प्रेम जडलं; थेट मंदिरात जाऊन लग्न केलं

एका शिक्षकाने आपल्या विद्यार्थिनीशीच लग्न केल्याची घटना घडली. 20 वर्षांची तरुणी इंग्लिश कोचिंगसाठी जायची. याठिकाणी ती इंग्लिश शिकवणाऱ्या शिक्षकाच्याच प्रेमात पडली.

कोण, कधी, कुठे, कसं, कोणाच्या प्रेमात पडेल ते सांगता येत नाही. अशीच एक अनोखी घटना आता समोर आली आहे. बिहारमध्ये प्यारवाली लव्हस्टोरी पाहायला मिळाली आहे. बिहारच्या समस्तीपूरमध्ये एका शिक्षकाने आपल्या विद्यार्थिनीशीच लग्न केल्याची घटना घडली. 20 वर्षांची तरुणी इंग्लिश कोचिंगसाठी जायची. याठिकाणी ती इंग्लिश शिकवणाऱ्या शिक्षकाच्याच प्रेमात पडली. दोघांनी मंदिरात जाऊन शेवटी लग्न केलं. 

लग्नाचे काही फोटो आणि व्हिडीओ हे सोशल मीडियावर जोरदार व्हायरल झाले आहेत. यामध्ये दोघंही खूप खूश असल्याचं पाहायला मिळत आहे. मिळालेल्या माहितीनुसार, समस्तीपूरच्या रोसडा येथे राहणारी 20 वर्षांची विद्यार्थिनी श्वेता कुमारी इंग्लिश कोचिंगसाठी जायची. अभ्यास करताना ती संगीत कुमार या शिक्षकाच्या प्रेमात पडली. संगीत याला देखील श्वेता आवडू लागली. मग दोघांनी देखील लग्नाचा निर्णय घेतला. एकमेकांसोबत राहण्याची शपथ देखील घेतली आहे. 

समस्तीपूर येथील एका मंदिरात जाऊन संगीत आणि श्वेता या दोघांनी लग्न केलं. या वेळी काही जण उपस्थित होते. त्यांनीच हा व्हिडीओ काढला आणि तो आता व्हायरल झाला आहे. सध्या याच लग्नाची सर्वत्र जोरदार चर्चा होत आहे. 50 वर्षीय शिक्षकाच्या पत्नीचं काही वर्षांपूर्वी निधन झालं होतं. त्यानंतर त्याने दुसरं लग्न केलं नव्हतं. पण श्वेताच्या प्रेमात पडल्यावर आता लग्न केलं आहे. एका हिंदी वेबसाईटने याबाबतचे वृत्त दिले आहे. 

प्यारवाली लव्हस्टोरी! वडिलांच्या वयाच्या बस ड्रायव्हरच्या प्रेमात वेडी झाली 'ती'; वयात 25 वर्षांचं अंतर    

पाकिस्तानच्या लाहोरमध्ये अशीच एक विचित्र घटना घडली आहे. एक तरुणी चक्क तिच्या वडिलांच्या वयाच्या बस ड्रायव्हरच्या प्रेमात पडल्याची घटना घडली. विशेष म्हणजे त्यांनी लग्नही केलं आहे.  मुलीने दिलेल्या माहितीनुसार, ती बसने दररोज प्रवास करत होती आणि तिला बसमधील ड्रायव्हरने वाजवलेली गाणी खूप आवडायची. हळूहळू गाण्यांसोबतच ती बस ड्रायव्हरच्याही प्रेमात पडली. बस ड्रायव्हर आणि मुलीच्या वयात मोठं अंतर होतं. पण या फरकाकडे दुर्लक्ष करून दोघांनीही लग्न केलं आहे. 

सर्व ठळक बातम्यांसाठी जरूर वाचा महाराष्ट्रातील अव्वल मराठी वेबसाईट "लोकमत डॉट कॉम"