भारतातून गेलेले विमान दुबईत उतरताना आदळले

भारतातून थिरुवनंतपूरम येथून आलेले एमिरेटस एअरलाइन्सचे एक प्रवासी विमान बुधवारी दुपारी दुबई विमानतळावर उतरत असताना धावपट्टीवर जोरदार आदळले.

दुबई : भारतातून थिरुवनंतपूरम येथून आलेले एमिरेटस एअरलाइन्सचे एक प्रवासी विमान बुधवारी दुपारी दुबई विमानतळावर उतरत असताना धावपट्टीवर जोरदार आदळले. या अपघातानंतर विमानास आग लागली. त्यातून धुराचे प्रचंड लोट येऊ लागले. मात्र २२६ भारतीयांसह २८२ प्रवाशांना आणि १८ चालक कर्मचाऱ्यांना सुखरूप बाहेर काढण्यात यश आल्याने संभाव्य मोठी जीवितहानी टळली.
या अपघाताने मुख्य धावपट्टी अडून राहिल्याने आणि मदत व बचाव कार्यासाठीही सभोवतालचा परिसर मोकळा करावा लागल्याने दुबई विमानतळावरून होणारी विमानांची सर्व उड्डाणे संध्याकाळपर्यंत स्थगित ठेवण्यात आली. दुबई हा आखतातील सर्वात गर्दीचा विमानतळ असून एमिरेट्स ही तेथे मुख्यालय असलेली सर्वात मोठी विमान कंपनी आहे.
एमिरेट््स एअरलाइन्सने त्यांच्या वेबसाइटवर ही माहिती देताना सांगितले की, बोर्इंग ७७७ जातीच्या या विमानाने (फ्लाईट इके५२१) बुधवारी सकाळी १०.१९ वाजता थिरुवनंतपूरम येथून उड्डाण केले व दुपारी १२.५० वाजता ते दुबई विमानतळावर उतरणे अपेक्षित होते.
विमान सुखरूपपणे न उतरता ते धावपट्टीवर जोरात का व कसे आदळले, याचा कोणताही खुलासा विमान कंपनीने केला नाही. मात्र काही तासांच्या प्रयत्नांनंतर विमानातून सर्व प्रवाशांना व कर्मचाऱ्यांना सुखरूप बाहेर काढण्यात यश आले.
केरळमधील हजारो लोक आखातात नोकऱ्या करतात व त्यांच्या सोईसाठी अनेक विमान कंपन्यांनी थिरुवनंतपूरहून दुबई व आखातातील अन्य ठिकाणी थेट सेवा सुरु केलेल्या आहेत. ही विमाने जाताना व
येताना नेहमीच पूर्ण भरलेली
असतात. (वृत्तसंस्था)
>अपघात का झाला ? : सविस्तर चौकशी होईपर्यंत या अपघाताचे नेमके कारण स्पष्ट होणार नसले तरी हे विमान जमिनीवर आदळले तेव्हा स्फोट झाल्याचे काहींनी सांगितले. या आदळलेल्या विमानाची म्हणून जी छायाचित्रे व ते आदळत असतानाचा जो व्हिडीओ सोशल मीडियावर टाकण्यात आला, त्यात कलंडलेल्या विमानातून काळ््या धुराचे लोट आकाशात झेपावत असताना दिस होते.
>गुवाहाटी विमानतळावर विमानांची टक्कर टळली
इंडिगो कंपनीच्या दोन विमानांची मंगळवारी संध्याकाळी गुवाहाटी विमानतळावर होऊ शकणारी टक्कर सुदैवाने थोडक्यात टळली. मात्र या घटनेमुळे चार प्रवाशांना भोवळ आली तर दोन विमान कर्मचाऱ्यांना किरकोळ दुखापत झाली.
इंडिगो कंपनीच्या प्रवक्त्याने सांगितले की, मुंबईहून आलेले विमान गुवाहाटीच्या लोकप्रिय गोपीनाथ बारदोलाई विमानतळावर उतरण्याच्या तारीत असताना पावसाळी हवामानामुळे त्याला हादरे बसू लागले. परिणामी हे विमान ठरलेल्या उंचीपेक्षा अचानक २५० ते ३०० फूट खाली आणावे लागले. नेमके त्याच वेळी चेन्नईला निघालेल्या विमानाने उड्डाण केलेले होते.
मुंबईहून आलेले विमान लगेचच झटकन अधिक उंचीवर नेले गेले अन्यथा त्याच मार्गातून उड्डाण करणाऱ्या दुसऱ्या विमानाशी त्याची टक्कर होऊ सकली असती. सुदैवाने कोणतीही दुर्घटना न होता मुंबईहून आलेले विमान सुखरूपपणे उतरले व चेन्नईला निघालेले विमान विनाविघ्न रवाना झाले, असेही प्रवक्त्याने सांगितले.