गुजरातमध्ये माजी भाजपा आमदाराची गोळ्या झाडून हत्या

भाजपाचे माजी आमदार जयंतीलाल भानुशाली यांची अज्ञातांकडून गोळ्या झाडून हत्या करण्यात आल्याची घटना मंगळवारी घडली. ही घटना कटारिया-सुरबरी रेल्वे स्थानकादरम्यान सयाची नगरी एक्स्प्रेसमध्ये घडली.

गुजरात : भाजपाचे माजी आमदार जयंतीलाल भानुशाली यांची अज्ञातांकडून गोळ्या झाडून हत्या करण्यात आल्याची घटना मंगळवारी घडली. ही घटना कटारिया-सुरबरी रेल्वे स्थानकादरम्यान सयाची नगरी एक्स्प्रेसमध्ये घडली.

मिळालेल्या माहितीनुसार, भाजपाचे माजी आमदार जयंतीलाल भानुशाली सयाची नगरी एक्स्प्रेसमधून प्रवास करत होते. त्यावेळी कटारिया-सुरबरी रेल्वे स्थानकादरम्यान काही अज्ञात गुंडांनी त्यांच्यावर गोळीबार केला. या गोळीबारात त्यांचा जागीच मृत्यू झाल्याचे सांगण्यात आले. पोलीस घटनास्थळी दाखल झाले असून याप्रकरणी तपास करत आहेत.  

Gujarat: Former BJP MLA Jayantilal Bhanushali was shot dead by unknown assailants onboard Sayji Nagri Express between Kataria-Surbari stations, last night; Police investigation underway

— ANI (@ANI) January 8, 2019

जयंतीलाल भानुशाली हे गुजरात भाजपाच्या उपाध्यक्षपदी होते. मात्र, गेल्यावर्षी सुरतमधील एका कॉलेजमध्ये विद्यार्थ्यांना फॅशन डिझाइनमध्ये प्रवेश देण्यासाठी अश्लील व्हिडीओ क्लिप बनवत असल्याचा आरोप त्यांच्यावर करण्यात आला होता. त्यामुळे त्यांना भाजपाच्या उपाध्यक्षपदाचा राजीनामा द्यावा लागला होता.