मुंबईत नौदलातील चौघांचा अल्पवयीन मुलीवर बलात्कार
By admin | Published: July 21, 2015 01:03 AM2015-07-21T01:03:46+5:302015-07-21T01:03:46+5:30
मुंबईत नौदलातील चौघांचा अल्पवयीन मुलीवर बलात्कार
Next
>तिघांना अटक : जूनपासून वारंवार अत्याचार मुंबई : चौदा वर्षांच्या शाळकरी मुलीला फूस लावून व भीती दाखवून नौदलातील चौघांनी तिच्यावर बलात्कार केल्याची धक्कादायक घटना उघडकीस आली आहे. कफ परेड पोलिसांनी तिघांना अटक केली असून एक जवान प्रशिक्षणासाठी परगावी गेला आहे. जितेंद्रसिंग दारागोकुल वालचंद (२४), पवन ऊर्फ ओमपाल हुशारसिंग (३१), राकेश प्रसाद सिंग (४१) व पृथ्वी उमेशसिंग चौहान अशी त्यांची नावे आहे. पृथ्वी चौहान प्रशिक्षणासाठी बाहेरगावी गेल्याने त्याला अद्याप अटक करण्यात आली नसल्याचे वरिष्ठ निरीक्षक दीपक पाटील यांनी सांगितले. राकेश सिंग हा नौदलात कंत्राटदार आहे. जून महिन्यात त्याने मुलीवर अत्याचार केले.नौदलाच्या अधिकारी व जवानांसाठी कफ परेड येथे असलेल्या क्वार्टर्समध्ये सर्व आरोपी राहतात. संबंधित शाळकरी मुलीशी जानेवारी महिन्यात पृथ्वीने ओळख करीत परिचय वाढविला. जूनच्या पहिल्या आठवड्यात तिला एका खोलीत नेऊन तिच्यावर बलात्कार केला. त्याच्याकडून ही माहिती समजल्यावर जितेंद्र सिंगने संबंधित मुलीशी संपर्क साधला, तुझ्या आई-वडिलांना सांगेन अशी धमकी देत त्यानेही तिला शारीरिक संबंध ठेवण्यास भाग पाडले. अशाच प्रकारे पवन व राकेश सिंग यांनी तिला भीती दाखवीत वेगवेगळ्या ठिकाणी नेऊन बलात्कार केला. पवन तिची वारंवार छेडछाड करीत होता. अखेर पीडित मुलीने हा प्रकार घरी सांगितला. त्यानंतर रविवारी रात्री तिच्या पालकांनी त्याबाबत कफ परेड पोलीस ठाण्यात रीतसर तक्रार दिली. जितेंद्र सिंग व पवनला न्यायालयात हजर केले असता ३१ जुलैपर्यंत पोलीस कोठडी मिळाली. राकेशला सोमवारी अटक करण्यात आली असून मंगळवारी न्यायालयात हजर करण्यात येणार आहे. ----------------
