दिल्लीत चालत्या कारमध्ये तरुणीवर सामूहिक बलात्कार
By admin | Published: June 17, 2016 08:38 AM2016-06-17T08:38:48+5:302016-06-17T08:38:48+5:30
चित्रपट पाहून घरी परतणा-या 25 वर्षीय तरुणीचं अपहरण करुन सामूहिक बलात्कार करण्यात आल्याची घटना घडली आहे
दिल्लीत चालत्या कारमध्ये तरुणीवर सामूहिक बलात्कार
Next
नवी दिल्ली, दि. 17 - चित्रपट पाहून घरी परतणा-या 25 वर्षीय तरुणीचं अपहरण करुन सामूहिक बलात्कार करण्यात आल्याची घटना घडली आहे. अपहरण करुन तिला कारमधून नेण्यात आलं होतं. चालत्या कारमध्येच तिच्यावर बलात्कार करण्यात आला. पोलिसांनी याप्रकरणी तीन आरोपींना अटक केली आहे.
पिडीत तरुणी मैत्रिणीसोबत वसंत विहार परिसरातील पीव्हीआरमध्ये चित्रपट पाहायला गेली होती. पहाटेच्या 3.15 वाजता घरी परत असताना काही लोकांनी तिचं अपहरण केलं. त्यानंतर चालत्या कारमध्ये तिच्यावर बलात्कार करण्यात आला. बलात्कार करुन झाल्यानंतर वसंत विहार परिसरामधीलच पुर्वी मार्ग येथे तिला सोडून देण्यात आलं अशी माहिती पिडीत तरुणीने दिलं आहे.
तरुणीचं अपहरण झाल्यानंतर लगेचच तिच्या मैत्रिणीने पोलिसांना फोन केला.रजिस्ट्रेशन नंबरच्या आधारे पोलिसांना गाडीचा शोध घेतला. घटना घडल्यानंतर काही तासातच पोलिसांनी कारवाई करत सर्व आरोपींना अटक केली. वैद्यकीय तपासणी करण्यात आली असून बलात्कार झाल्याचं निष्पन्न झालं आहे. सर्व आरोपींना न्यायलयीन कोठडी सुनावण्यात आली आहे.
