Tamil Nadu: धक्कादायक! प्रेयसीने डॉक्टर प्रियकराला पाठवले हॉस्टेलमधील मैत्रिणींचे न्यूड फोटो आणि व्हिडीओ

तामिळनाडू मधील मदुराई येथून एक धक्कादायक घटना समोर आली आहे.

नवी दिल्ली : तामिळनाडू मधील मदुराई येथून एक धक्कादायक घटना समोर आली आहे. चंडीगड विद्यापीठातील वसतिगृहातील मुलींचे न्यूड फोटो (Nude Photos)  काढून व्हायरल केल्याप्रकरणी पोलिसांनी एका विद्यार्थिनीला अटक केली आहे. एवढेच नाही तर तिने हे फोटो तिने तिच्या डॉक्टर प्रियकराला पाठवले म्हणून त्याला देखील अटक करण्यात आली आहे. पोलिसांच्या माहितीनुसार, रामनाथपुरम कामुडी येथील डॉक्टर प्रियकर आणि मदुराई येथील बीएडची विद्यार्थिनी असलेली त्याची मैत्रीण जननी या दोघांना आयपीसी आणि आयटी कायद्यांतर्गत अटक करण्यात आली आहे.

न्यूड व्हिडीओ काढल्याप्रकरणी कारवाई
मदुराई पोलिसांनी दिलेल्या माहितीनुसार, संबंधित विद्यार्थीने तिच्या वसतिगृहामधील मैत्रीणींचे फोटो आणि व्हिडीओ काढायला सुरूवात केली. जेव्हा तिच्या मैत्रीणी आंघोळ करण्यासाठी अथवा कपडे बदलण्यासाठी जायच्या तेव्हा ती हा प्रताप करायची. नंतर ती हे फोटो आणि व्हिडीओ व्हॉट्सॲपवरून आपल्या प्रियकराला पाठवायची. मात्र एके दिवशी ती हे सगळे करत असल्याचे तिच्या मैत्रीणीच्या निदर्शनास आले. तेव्हा जननीच्या मैत्रीणीने तिचा फोन तपासला आणि त्यामध्ये विविध प्रकारचे न्यूड फोटो आढळून आले. तिने वसतिगृहाच्या वॉर्डनला माहिती दिली असता त्यांनी मदुराई अण्णा नगर पोलीस ठाण्यात तक्रार दाखल केली. 

दरम्यान, तक्रार सायबर क्राइमकडे सोपवण्यात आली. पोलिसांनी म्हटले, "जननी मार्च महिन्यापासून पीजी वसतिगृहामध्ये राहत आहे. तिने वसतिगृहामधील तिच्या मैत्रिणींचे न्यूड फोटो आणि व्हिडीओ काढले, ज्यात आंघोळ करतानाचे न्यूड व्हिडीओ आणि फोटोंचा समावेश आहे. ते सगळे फोटो आणि व्हिडीओ तिने तिच्या प्रियकराला पाठवले." लक्षणीय बाब म्हणजे प्रियकर चालवत असलेल्या क्लिनिकमध्ये एकत्र काम करत असताना प्रेयसी जननीचे त्याच्यासोबत प्रेमसंबंध होते, असेही पोलिसांनी सांगितले. जननीने आधी स्वतःचे न्यूड व्हिडीओ काढले पण नंतर तिच्या प्रियकराच्या विनंतीनुसार तिने तिच्या वसतिगृहातील मैत्रिणींचे देखील न्यूड फोटो आणि व्हिडीओ पाठवण्यास सुरुवात केली.

दोघांनाही घेतले ताब्यात
एका पोलीस अधिकाऱ्याने दिलेल्या माहितीनुसार, जननीने त्या दोघांमधील संवादाचा पुरावा डिलीट केला आहे. त्यामुळे अधिक तपास करण्यामध्ये पोलिसांना अडचण येत आहे. तर दोघांचेही फोन जप्त करण्यात आले आहेत आणि डेटा रिकव्हरीसाठी फॉरेन्सिक लॅबकडे पाठवण्यात आला आहे. प्रियकराने हे फोटो आणि व्हिडीओ कोणाला फॉरवर्ड केले आहेत की नाही हे अद्याप स्पष्ट झाले नाही. मात्र दोघांनाही स्थानिक पोलिसांनी अटक केली आहे.