ॲडमिशनला जाताय? ही कागदपत्रे ठेवा सोबत; अभ्यासक्रमासाठी फाॅर्म भरताना घ्या काळजी

कागदपत्रांची जुळवाजुळव महत्त्वाची असून त्यासाठी धावपळदेखील वाढली आहे.

राज्य शिक्षण मंडळाचा बारावीचा निकाल जाहीर झाल्यानंतर विविध अभ्यासक्रमात ॲडमिशनसाठी पालक आणि विद्यार्थ्यांची लगबग सुरू झाली आहे. कागदपत्रांची जुळवाजुळव महत्त्वाची असून त्यासाठी धावपळदेखील वाढली आहे. विद्यार्थ्यांनी काेणत्याही अभ्यासक्रमासाठी प्रवेशाचा फॉर्म भरताना आवश्यक ती कागदपत्रे पूर्ण आहेत की नाही, याची शहानिशा करणे गरजेचे आहे. 

मेडिकल प्रवेशासाठी लागणारी कागदपत्रे-

• नीट ऑनलाईन फाॅर्मची प्रिंट
• नीट प्रवेश पत्र व नीट मार्कलिस्ट
• मार्क मेमो १० वी, सनद १० वी, मार्क मेमो १२ वी
• नॅशनॅलिटी सर्टिफिकेट
• रहिवाशी प्रमाणपत्र, आधार कार्ड, उत्पन्न प्रमाणपत्र किंवा वडिलांचा फॉर्म नं १६ 
• १२ वीची टीसी 
• मेडिकल सर्टिफिकेट फिटनेस 
• मुलाचे राष्ट्रीय बँकेतील खाते पासबूक
• मुलाचे तसेच आई व वडील दोघांचेही पॅनकार्ड

मागासवर्गीयांसाठी वरील सर्व कागदपत्रांसह खालील प्रमाणपत्रेही आवश्यक-

• जात प्रमाणपत्र
• जातवैधता प्रमाणपत्र
• नाॅन क्रिमिलेयर प्रमाणपत्र 

या गाेष्टी आवर्जून लक्षात ठेवा-

• अर्ज चुकू नये म्हणून सुुरुवातीला झेरॉक्सवर माहिती भरा. त्यानंतर अर्जात ती माहिती भरा. एखादा मुद्दा न कळल्यास मार्गदर्शन घ्या. 
• अर्ज भरायच्या तारखा आणि वेळापत्रकाचे कसोशीने पालन करा. 
• इतर क्षेत्रांमध्ये मिळवलेल्या प्रमाणपत्रांच्या अटेस्टेड कॉपी बरोबर ठेवा. 
• बऱ्याच वेळेला ऑनलाइन अर्जप्रक्रिया पूर्ण करायच्या असतात. त्यासाठी संबंधित कागदपत्रे स्कॅन करा. ते पेनड्राइव्हवर सेव्ह करून ठेवा आणि तो जवळ बाळगा.

इतर अभ्यासक्रमात प्रवेश घेताना आवश्यक दस्तावेज-

• जात प्रमाणपत्र
• जातवैधता प्रमाणपत्र
• नॉनक्रिमिलेयर प्रमाणपत्र
• डोमिसाइल प्रमाणपत्र
• ईडब्ल्यूएस वर्ग प्रमाणपत्र
• दिव्यांगता प्रमाणपत्र
• आधार क्रमांक, बँक खाते पासबूक
• सैन्यदल वर्गाचे प्रमाणपत्र
• अल्पसंख्यक वर्गाचे प्रमाणपत्र