शाळेत नियमित का येत नाहीस? छडीनं, लाथेनं शिक्षकाची विद्यार्थ्याला बेदम मारहाण; VIDEO व्हायरल
By ऑनलाइन लोकमत | Published: October 14, 2021 02:30 PM2021-10-14T14:30:29+5:302021-10-14T14:38:51+5:30
मारहाण करणाऱ्या शिक्षकावर कारवाई करण्याची मागणी; सोशल मीडियावर संताप व्यक्त
शाळेत नियमित का येत नाहीस? छडीनं, लाथेनं शिक्षकाची विद्यार्थ्याला बेदम मारहाण; VIDEO व्हायरल
Next कुड्डलोर: शाळेत नियमित येत नसल्यानं शिक्षकांनी विद्यार्थ्यांला मारहाण केल्याची घटना तमिळनाडूतील शाळेत घडली आहे. शिक्षक एका विद्यार्थ्याला छडीनं आणि लाथेनं मारहाण करत असल्याचा व्हिडीओ सोशल मीडियावर व्हायरल झाला आहे. यामध्ये विद्यार्थी गयावया करताना दिसत आहे.
कुड्डलोर जिल्ह्यातल्या चिदंबरममध्ये नंदानार शाळा आहे. या शाळेत सहावी ते बारावीत ५०० हून अधिक विद्यार्थी शिकतात. बारावीच्या वर्गात शिकणाऱ्या एका विद्यार्थ्याला भरवर्गात बेदम मारलं. शाळेत नियमित येत नसल्यानं शिक्षकांनी विद्यार्थ्याला छडीनं, लाथेनं मारहाण केली. विद्यार्थी गयावया करत असतानाही शिक्षक त्याला सतत मारहाण करत होते. या घटनेचा व्हिडीओ आता सोशल मीडियावर व्हायरल झाला आहे.
சிதம்பரம் அரசு நந்தனார் ஆண்கள் மேல்நிலை பள்ளியில் இயற்பியல் வாத்தியார் மாணவன் வகுப்பிற்கு தாமதமாக வந்ததால் அந்த மாணவனை காலால் எட்டி உதைத்து இழிவாக பேசி மோசமாக அடித்துள்ளார் @CMOTamilnadu@Anbil_Maheshpic.twitter.com/wPbb2H09sc
— ashok thangaraj (@ashok4thangaraj) October 13, 2021
शिक्षक विद्यार्थ्याला बेदम मारहाण करत असताना त्याच वर्गातील एका विद्यार्थ्यानं हा संपूर्ण प्रकार कॅमेऱ्यात कैद केला. त्यानंतर व्हिडीओ सोशल मीडियावर व्हायरल झाला आहे. या प्रकरणी सोशल मीडियावर संताप व्यक्त केला जात असून शिक्षकांवर तातडीनं कारवाई करण्याची मागणी केली जात आहे.