37 पर्यटकांनी भरलेली बस पुरात अडकली, बचावकार्यानंतर सर्वांची सुखरूप सुटका, बघा थरारक VIDEO
By ऑनलाइन लोकमत | Published: September 27, 2024 04:48 PM2024-09-27T16:48:12+5:302024-09-27T16:48:49+5:30
बसमधील सर्व प्रवाशांना सुरक्षितपणे बाहेर काढण्यात आले आहे. यात तामिळनाडूतील 29 प्रवाशांचा समावेश होता.
37 पर्यटकांनी भरलेली बस पुरात अडकली, बचावकार्यानंतर सर्वांची सुखरूप सुटका, बघा थरारक VIDEO
गुजरातमध्ये 37 प्रवाशांनी भरलेली एक पर्यटक बस काल रात्री उशिरा भावनगरमधील कोलियाक गावात पुरामध्ये अडकली होती. बसमधील सर्व प्रवाशांना सुरक्षितपणे बाहेर काढण्यात आले आहे. यात तामिळनाडूतील 29 प्रवाशांचा समावेश होता.
VIDEO | Gujarat: A tourist bus with 37 passengers, including 29 from Tamil Nadu, was stuck in floodwaters in #Bhavnagar's Koliyak village late last night. All the passengers were safely rescued later.#GujaratNews#Gujarat
— Press Trust of India (@PTI_News) September 27, 2024
(Full video available on PTI Videos -… pic.twitter.com/HNRxM08FM2
जिल्हाधिकारी आर. के. मेहता यांनी दिलेल्या माहिती नुसार, गुरुवारी सायंकाळी कोलियाक गावाजवळ एक लहान नदी ओलांडण्यासाठी बांधलेल्या पुलावर बस अडकली होती. तथापि, आठ तासांच्या प्रदीर्घ ऑपरेशननंतर सर्व यात्रेकरूंची सुखरूप सुटका करण्यात आली. कोलियाक गावाजवळील निश्कलंक महादेव मंदिरात दर्शन घेऊन सर्व भाविक भावनगरकडे निघाले होते. परिसरात मुसळधार पावसामुळे नदीवरील पूल पाण्याखाली गेला होता. असे असतानाही बस चालकाने नदी ओलांडण्याचा निर्णय घेतला.
#WATCH | Gujarat: On 26th September, information was received from SEOC Gandhinagar, that a bus with 29 people onboard stuck in Nallah due to heavy rainfall in Koliyaak village of Bhavnagar district. 6 NDRF left reached the site at 12:40 am. With the help of Fire Dept and local… pic.twitter.com/dLi07c91B7
— ANI (@ANI) September 27, 2024
मेहता म्हणाले, बचाव कर्मचारी मिनी ट्रकसह घटनास्थळी पोहोचले आणि बसच्या मागील खिडकीतून सर्व 27 यात्रेकरू, चालक आणि सफाई कामगार यांना सुरक्षितपणे बाहेर काढण्यात आले. मात्र, बसमधून सर्वांना बाहेर काढल्यानंतर मिनी ट्रकही रस्त्यावर अडकला. यानंतर, एक मोठा ट्रक घटनास्थळी पाठवून सर्व 29 प्रवाशांना आणण्यात आले. यातील बहुतांश यात्रेकरू ज्येष्ठ नागरिक होते. सुमारे आठ तासांच्या अथक परिश्रमानंतर पहाटे तीनच्या सुमारास सर्व यात्रेकरूंना सुरक्षितस्थळी नेण्यात आले. तसेच, आम्ही भावनगरमध्ये त्यांच्या राहण्याची आणि जेवणाची व्यवस्था केली अशून त्यांची वैद्यकीय तपासणीही करण्यात आली असल्याचे जिल्हाधिकाऱ्यांनी सांगितले.