Harsh Goenka : "एका मोदीला मिस इंडिया हवी अन् दुसऱ्यांना..."; हर्ष गोएंकांच्या 'त्या' ट्विटने वेधलं लक्ष

Harsh Goenka Tweet : हर्ष गोएंका यांनी पंतप्रधान नरेंद्र मोदी, आयपीएलचे माजी चेअरमन ललित मोदी आणि फरार उद्योगपती नीरव मोदी या तिघांची तुलना करत एक मार्मिक ट्वीट केलं आहे.

नवी दिल्ली - ललित मोदी (Lalit Modi) आणि सुष्मिता सेन (Sushmita Sen) त्यांच्या नात्यामुळे चर्चेत आले आहेत. १४ जुलै रोजी ललित मोदींनी सुष्मितासोबतचे बरेच व्हॅकेशन्सचे फोटो शेअर केले होते आणि ते एकमेकांना डेट करत असल्याचे सांगितले होते. हे फोटो सोशल मीडियावर मोठ्या प्रमाणात व्हायरल झाले आणि ते चर्चेत आले. सुष्मिता सेन आणि ललित मोदी इटलीतील एका सुंदर बेटावर एकत्र व्हॅकेशनसाठी गेले होते. यानंतर ललित मोदी पुन्हा लंडनला गेले आणि सुष्मिता सेनसोबतचे फोटो पोस्ट केले. याच दरम्यान उद्योगपती हर्ष गोएंका यांनी एक भन्नाट ट्वीट केलं आहे. 

हर्ष गोएंका (Harsh Goenka) यांनी पंतप्रधान नरेंद्र मोदी, आयपीएलचे माजी चेअरमन ललित मोदी आणि फरार उद्योगपती नीरव मोदी या तिघांची तुलना करत एक मार्मिक ट्वीट केलं आहे. यामध्ये त्यांनी नरेंद्र मोदी, ललित मोदी आणि नीरव मोदी यांचा फोटो देखील वापरला आहे. "एका मोदींना 'इंडिया' हवी आहे. दुसऱ्या मोदीला 'मिस इंडिया' हवी आहे आणि तिसरा मोदी इंडियात हवा आहे" असं ट्विटमध्ये म्हटलं आहे. त्यांचं हे ट्विट जोरदार व्हायरल होत असून अनेकांनी त्यावर प्रतिक्रिया दिल्या आहेत.

One Modi wants India
One Modi wants Miss India
One Modi is wanted in India pic.twitter.com/kKZLjp3LsA

— Harsh Goenka (@hvgoenka) July 16, 2022

हर्ष गोएंका यांनी ललित मोदी यांनी सुष्मिता सेनसोबतचे काही खास फोटो शेअर केल्यानंतर देखील हटके ट्वीट केलं होतं. "मी ललितला फोन केला आणि विचारलं की तुला हे कसं जमलं? तो मला 'सेन'सेशनल उत्तर देत म्हणाला, "मोदी है तो मुमकिन है" असं गोयंका यांनी म्हटलं होतं. ललित मोदींच्या पोस्टनंतर २० तासांनंतर सुष्मिता सेननेही फोटोंवर तिची प्रतिक्रिया दिली आहे. ललित मोदींसोबतचे नाते समोर आल्यानंतर सुष्मिता सेनने पहिली पोस्ट शेअर केली आहे. 

I rang up Lalit and asked him how did he manage?

He gave me a SENsational answer “Modi hai tho mumkin hai!”

— Harsh Goenka (@hvgoenka) July 15, 2022

अभिनेत्रीने इन्स्टाग्रामवर तिच्या मुली, रेनी आणि अलिशासोबतचा एक फोटो शेअर केला आणि सांगितले की ती खूप आनंदी आहे. तिने लिहिले, 'मी सध्या माझ्या आनंदी ठिकाणी आहे. माझे लग्न झालेले नाही. अंगठी नाही. ते फक्त अपार प्रेम आहे. सुष्मिता आणि ललित यांचे फोटो समोर आल्यानंतर आणि त्यांचे ट्विट वाचून सर्वजण चकित झाले. त्याचवेळी दोघांचे लग्न झाल्याचे काहींना समजले. सुष्मिताच्या हातात हिऱ्याची मोठी अंगठी दिसली. हे पाहून लोकांना अंदाज आला की दोघांची एंगेजमेंट झाली आहे. मात्र, काही ट्विटला उत्तर देताना ललित यांनी तसे नसल्याचे म्हटले होते. दोघेही सध्या एकमेकांना डेट करत आहेत. त्यांचे लग्न झालेले नाही किंवा एंगेजमेंट झालेली नाही.