हरयाणामध्ये धुक्यामुळे भीषण अपघात, 7 जणांचा मृत्यू तर पाच जण जखमी

हरयाणामध्ये दाट धुक्यामुळे ट्रक आणि कारचा भीषण अपघात झाल्याची घटना समोर आली आहे. या भीषण अपघातात सात जणांचा मृत्यू झाला असून पाच जण जखमी झाले आहेत.

ठळक मुद्देहरयाणामध्ये दाट धुक्यामुळे ट्रक आणि कारचा भीषण अपघात झाल्याची घटना समोर आली आहे.भीषण अपघातात सात जणांचा मृत्यू झाला असून पाच जण जखमी झाले आहेत.जखमींना उपचारासाठी तातडीने जवळच्या रुग्णालयात दाखल करण्यात आले आहे. 

नवी दिल्ली - हरयाणामध्ये दाट धुक्यामुळे ट्रक आणि कारचा भीषण अपघात झाल्याची घटना समोर आली आहे. या भीषण अपघातात सात जणांचा मृत्यू झाला असून पाच जण जखमी झाले आहेत. जखमींना उपचारासाठी तातडीने जवळच्या रुग्णालयात दाखल करण्यात आले आहे. 

हरयाणातील अंबाला-चंदीगड मार्गावर शनिवारी (29 डिसेंबर) सकाळी हा अपघात झाला. पोलिसांनी दिलेल्या माहितीनुसार, चंदीगडवरून येणाऱ्या दोन कारला एका ट्रकने जोरदार धडक दिली. दाट धुके असल्याने हा अपघात झाला आहे. याआधीही हरयाणामध्ये दाट धुक्यामुळे 50 गाड्या एकमेकांवर आदळून भीषण अपघात झाला होता. रोहतक-रेवारी हायवेवर सोमवारी (24 डिसेंबर) झालेल्या अपघातात सात जणांचा मृत्यू झाला असून अनेकजण जखमी झाले होते.
 

Haryana: 7 dead and 5 injured after a truck rammed into two cars near Ambala

— ANI (@ANI) December 29, 2018