हेमा मालिनींचा हटके प्रचार; शेतात चालविले ट्रॅक्टर

यंदाच्या या निवडणुकीत मतदारांना आकर्षित करण्यासाठी उमेदवारांकडून अनेक कल्पना लढविण्यास सुरुवात होत आहे. 

नवी दिल्ली : आगामी लोकसभा निवडणुकीसाठी सर्वच पक्षाच्या उमेदवारांनी प्रचाराला जोर धरला आहे. यंदाच्या या निवडणुकीत मतदारांना आकर्षित करण्यासाठी उमेदवारांकडून अनेक कल्पना लढविण्यास सुरुवात होत आहे. 

भाजपाच्या उमेदवार आणि अभिनेत्री हेमा मालिनी आपल्या मतदारसंघात अनोख्या पद्धतीने प्रचार करताना दिसत आहेत. गेल्या रविवारी प्रचारादरम्यान हेमा मालिनी शेतात गव्हाचे पीक कापताना शेतमजूर महिलांसोबत दिसल्या. तर काल ट्रॅक्टर चालवताना दिसून आल्या. दरम्यान, यासंबंधीचे त्यांचे फोटो सोशल मीडियात व्हायरल होत आहेत. 

उत्तर प्रदेशातील मथुरा मतदारसंघातून हेमा मालिनी आगामी लोकसभा निवडणूक लढवत आहेत. त्या पार्श्वभूमीवर हेमा मालिनी यांनी मथुरा मतदारसंघात जोरदार प्रचाराला सुरुवात केली आहे. गेल्या रविवारी हेमा मालिनी यांनी आपल्या प्रचारादरम्यान गोवर्धन परिसरातील एका शेतात गव्हाचे पीक कापताना शेतमजूर महिलांसोबत दिसल्या. त्यानंतर गुरुवारी भाजपा कार्यकर्त्यांसह मांट परिसरातील एका गावात प्रचारासाठी गेल्या होत्या. यावेळी त्यांनी एका शेता ट्रॅक्टर चालविले. तसेच, बटाटा पिकासंदर्भात शेतकऱ्यांच्या समस्या जाणून घेतल्या.

BJP MP and Mathura candidate Hema Malini drives a tractor in Govardhan pic.twitter.com/ZPmiRLB1qA

— ANI UP (@ANINewsUP) April 5, 2019

 

हेमा मालिनी यांनी 2004 मध्ये हेमा मालिनीने भाजपाध्ये प्रवेश केला. त्यानंतर त्या 2003 ते 2009 या काळात राज्यसभेच्या सदस्य होत्या. 2014 लोकसभा निवडणुकीत हेमा मालिनी मथुरा मतदारसंघामधून लोकसभेवर निवडून आल्या. त्यानंतर यंदाच्या निवडणुकीत पुन्हा त्यांना भाजपाने मथुरा याच मतदार संघातून रिंगणात उतरविले आहे. दरम्यान, आगामी लोकसभा निवडणुकीसाठी सत्ताधारी आणि विरोधक यांच्यात आरोप-प्रत्यारोपांच्या फैरी झडण्यास सुरुवात झाल्याने त्यांच्यातील कलगीतुरा चांगलाच रंगात येऊ लागला आहे.

Began my Lok Sabha campaign today with the Govardhan Kshetra where I had the opportunity to interact with women working in the fields. A few fotos  for u of my first day of campaign pic.twitter.com/EH7vYm8Peu

— Hema Malini (@dreamgirlhema) March 31, 2019