एअर होस्टेसशी गैरवर्तन केल्याबद्दल हिंदू महासभेच्या कार्यकर्त्याला अटक

कोईमतूर, दि.१९ -  इंडिगोच्या विमानात एअर होस्टेसशी गैरवर्तन केल्याबद्दल हिंदू महासभेच्या कार्यकर्त्यासह आणखी दोन जणांना अटक करण्यात आली आहे. बुधवारी रात्री कोईमतूरहून चेन्नईला जाणा-या विमानात हा प्रकार घडल्याचे समोर येत आहे. दारूच्या नशेत असलेल्या या तिनही प्रवाशांनी मोबाईलवरून एअर होस्टेसचे फोटो काढण्याचा प्रयत्न केला. त्या एअर होस्टेससह क्रू-मेंबर्सनी त्यांना विरोध दर्शवला असता त्या तिघांनी त्यांच्याशीच वाद घातला. या घटनेनंतर तिघांविरोधात तक्रार दाखल करण्यात आली व कोईमतूर पोलिसांनी तिघानांही अटक केली.