इथे माणुसकी हरली! काळी जादू करत असल्याच्या संशयावरून जोडप्याला झाडाला लटकवले
By ऑनलाइन लोकमत | Published: June 19, 2023 08:09 PM2023-06-19T20:09:19+5:302023-06-19T20:09:40+5:30
सध्या एक धक्कादायक व्हिडीओ व्हायरल होत आहे.
इथे माणुसकी हरली! काळी जादू करत असल्याच्या संशयावरून जोडप्याला झाडाला लटकवले
Next हे सोशल मीडियाचं युग आहे, इथे कधी कोणती गोष्ट व्हायरल होईल याची कल्पना केली जाऊ शकत नाही. सध्या एक धक्कादायक व्हिडीओ व्हायरल होत आहे. खरं तर 'तंत्र-मंत्र आणि काळी जादू' करत असल्याच्या संशयावरून स्थानिक लोकांनी एका जोडप्याशी जे केलं ते पाहून सर्वांनाच धक्का बसला. तामिळनाडूतील संगारेड्डी येथील कोलकुरू गावात यादैय्या आणि श्यामला नावाच्या पती-पत्नीला काही ग्रामस्थांनी तंत्र-मंत्र आणि काळी जादू केल्याच्या आरोपावरून बेदम मारहाण केली आणि नंतर त्यांना झाडाला बांधून ठेवले.
दरम्यान, ही घटना सदाशिवपेठ पोलीस स्टेशन परिसरातील कोलकुरू गावातील आहे. पोलिसांनी सांगितले की, स्थानिक लोकांनी पीडित यादैय्या आणि त्यांची पत्नी श्यामला यांच्यावर काळी जादू केल्याचा आरोप केला आहे. या आरोपानंतर गावकऱ्यांचा एक गट त्यांच्या घरात घुसला आणि त्यांना बळजबरीने बाहेर आणले. यादरम्यान गावकऱ्यांनी त्यांना मारहाण करून झाडाला लकवले.
A shocking incident:
— Surya Reddy (@jsuryareddy) June 18, 2023
A man and his wife were tied to a tree by few villagers after beaten, accusing them of doing #BlackMagic at Kolkur village in #Sadasivpet mandal in #Sangareddy dist, they alleged that a local villager had died due to Yadaiah’s black magic. #Telanganapic.twitter.com/pGBnM4CmDv
याबाबतची माहिती स्थानिक पोलिसांना मिळताच तात्काळ पोलिसांचे एक पथक घटनास्थळी पोहोचले आणि त्यांनी दाम्पत्याची सुटका केली. पोलिसांनी दिलेल्या माहितीनुसार, सुदैवाने पीडितांना गंभीर दुखापत झाली नसून घटनेनंतर गुन्हा दाखल करण्यात आला आहे. दुसरीकडे, यादैया हे प्रत्येक छोट्या-मोठ्या गोष्टीवरून सर्वांशी भांडायचे आणि तंत्र-मंत्राचा धाक दाखवायचे असे गावकऱ्यांचे म्हणणे आहे. एवढेच नाही तर ते जादूटोणा करून लोकांना मारण्याची भीती दाखवत असल्याचा आरोप ग्रामस्थांनी केला आहे.