रोजच्या कोरोना रुग्णसंख्येत भारत जगात तिसऱ्या स्थानी

रशिया, इंग्लंड मागे पडले : देशात अजून कळस गाठला जायचा आहे, तज्ज्ञांना वाटते काळजी, अनेक देशांमध्ये नवीन कोरोना लाटेचीही भीती

हरीश गुप्ता 

नवी दिल्ली : कोरोना विषाणूचा उद्रेक झाल्यापासून प्रथमच भारत जगात कोविड-१९ रुग्णांच्या रोज वाढणाºया संख्येत तिसºया पायरीवर आला आहे. तथापि, भारत जगात एकूण रुग्णसंख्येत अजून सहाव्या स्थानी आहे; परंतु जगात रोज रुग्णांची जी संख्या वाढत आहे त्यात भारताचे स्थान तिसरे आहे. १० जून रोजी भारतात ९,९८७ रुग्णांची नोंद झाली व त्यामुळे रशियाला भारताने चौथ्या पायरीवर ढकलले. रशियाची रुग्णसंख्या ८,९८५ आहे. मंगळवारी रशियात रुग्ण होते १०,९८४ तर भारतात ९,९८३. मात्र, बुधवारी भारतात रुग्णसंख्या ९,९८७ झाली, तर रशियातील रुग्णसंख्या घसरून ८,९८५ झाली.
वस्तुस्थिती अशी की, अमेरिकेत रुग्णसंख्या ९ जून रोजी घसरल्याचे (२०,४४२ वरून १७,०४४) दिसते. ब्राझीलमध्ये रुग्णसंख्येत मोठीच घसरण झाली. तेथे २५,९६९ रुग्ण होते ते १६,००४ वर आले. इंग्लंडमध्ये ९ जून रोजी रुग्ण १,२०५ होते, तर फक्त २४० रुग्ण स्पेनमध्ये होते. जगातील पहिल्या दहा देशांत भारत हा कदाचित एकमेव देश आहे जेथे रोजच्या रोज मोठ्या संख्येने कोविड-१९ चे रुग्ण वाढत आहेत. अमेरिका, ब्राझील, इंग्लंड, स्पेन, रशिया किंवा इतर देशांमध्ये रुग्णसंख्या घटत आहे. जगात ९ जून रोजी सकाळी ९ वाजता अमेरिका, ब्राझील, रशिया, स्पेन आणि इंग्लंडनंतर एकूण रुग्णसंख्येत भारत सहाव्या पायरीवर असावा. मात्र, रुग्णवाढीचा वेग असाच कायम राहिला, तर या आठवड्यात तो रुग्णसंख्येत चौथ्या पायरीवर असेल. तज्ज्ञांचे म्हणणे असे की, भारतात अजून कोविड-१९ ने कळस गाठलेला नाही, तर बहुतेक पाश्चिमात्य देशांमध्ये हा वेग आडवा होऊन खाली येत आहे.

रुग्णालयांत जागेची टंचाई

नितीन अग्रवाल ।

नवी दिल्ली : दिल्लीत कोरोना रुग्ण अतिशय वेगाने वाढत असून, रुग्णालयांत खाटांच्या टंचाईवरून राजकीय संघर्षही सुरू झाला आहे. रेल्वेने ५,२३१ डब्यांमध्ये रुग्णांसाठी बनवले गेलेले ८० हजार बेडस् ही गरज भागवू शकतात; परंतु प्रत्यक्षात ते सध्या प्रदर्शनीय बनले आहेत.
दिल्लीत त्यातील दहा कोच कोरोना रुग्णांसाठी राखून ठेवण्यात आले आहेत. प्रत्येक कोचमध्ये १६ जणांना आयसोलेशनमध्ये ठेवण्याची व्यवस्था आहे. कोचमध्ये पंखे आणि प्रकाशाची व्यवस्था केली गेली आहे. शौचालयांना स्नानगृह बनवले आहे. याशिवाय मोबाईल आणि लॅपटॉप चार्जिंगचीही व्यवस्था आहे. रेल्वेने एप्रिलच्या पहिल्या आठवड्यात म्हटले होते की, देशभरात ८० हजारांपेक्षा जास्त बेडस् असलेले ५,२३१ कोच तयार केले गेले असून, ते २१५ स्थानकांवर तैनात केले गेले आहेत. १३० स्थानकांवर ही व्यवस्था राज्य सरकारांनी करायची आहे. यासाठी रेल्वेने २,५४६ पेक्षा जास्त डॉक्टर्स आणि ३५,१५३ पॅरामेडिकल स्टाफदेखील तयार केला आहे.

कोविड-१९ रुग्णांत रोज होणारी वाढ

देश ९ जून ८ जून ७ जून ६ जून
अमेरिका १७,०४४ २०,४४२ ४२,८९० २३,००१
ब्राझील १६,००४ २५,९६९ ३०,१०३ ३१,३९२
भारत ९,९८७ ९,९८३ ९,९७१ ९,९८७
रशिया ८,९०५ १०,९८४ ८,८५५ ८,७२६
इंग्लंड १,२०५ १,३२६ १५५७ १,६५०
स्पेन २४० — ३३२ ६५२
स्रोत : वर्ल्डमीटर