बांगलादेशच्या कारवाईवर भारताची तीव्र प्रतिक्रिया; सीमेवरील कुंपणाबाबत उच्चायुक्तांची बोलावली बैठक

भारत सरकारने बांगलादेशविरुद्ध एक मोठे पाऊल उचलले आहे. काल, बांगलादेशने सीमेवरील कुंपणाच्या वादाबाबत भारतातील उच्चायुक्तांची बैठक बोलावली आहे.

बांगलादेशने केलेल्या कारवाईनंतर आता भारत सरकारने एक मोठे पाऊल उचलले आहे. काल, बांगलादेशने सीमेवरील कुंपणाच्या वादाबाबत भारतातील उच्चायुक्तांना बोलावले होते. आता परराष्ट्र मंत्रालयाने बांगलादेशचे उपउच्चायुक्त नुरुल इस्लाम यांना समन्स पाठवले आहे. ते आता साउथ ब्लॉकमधून रवाना झाले आहेत.

तिबेटमध्ये एकापाठोपाठ एक भूकंप, इमारती कोसळून आतापर्यंत ९५ जणांचा मृत्यू

बांगलादेशच्या परराष्ट्र मंत्रालयाने भारतीय उच्चायुक्त प्रणय वर्मा यांना बोलावून बीएसएफने केलेले कुंपण बेकायदेशीर असल्याचे घोषित केले होते. परराष्ट्र मंत्रालयाने समन्स बजावल्यानंतर बांगलादेशचे भारतातील उपउच्चायुक्त नुरुल इस्लाम साउथ ब्लॉकमधून निघून गेले. बांगलादेशच्या कारवाईवर भारताने कडक भूमिका घेतली आहे.

४,१५६ किमी लांबीच्या भारत-बांगलादेश सीमेवर पाच विशिष्ट ठिकाणी कुंपण उभारण्याचा प्रयत्न भारत करत असल्याच्या आरोपांवरून बांगलादेशच्या परराष्ट्र मंत्रालयाने रविवारी भारतीय उच्चायुक्त प्रणय वर्मा यांना बोलावले.

बांगलादेशने म्हटले की, ही कारवाई सीमा क्रियाकलापांचे नियमन करणाऱ्या द्विपक्षीय कराराचे उल्लंघन आहे. वर्मा काल स्थानिक वेळेनुसार दुपारी ३ वाजता ढाका येथील परराष्ट्र मंत्रालयाच्या मुख्यालयात पोहोचले. बांगलादेश समाचार संस्था या सरकारी वृत्तसंस्थेने दिलेल्या वृत्तानुसार, बांगलादेशचे परराष्ट्र सचिव जशीम उद्दीन यांच्याशी त्यांची भेट सुमारे ४५ मिनिटे चालली.

बैठकीनंतर वर्मा म्हणाले की, सीमेवर सुरक्षेसाठी कुंपण घालण्याबाबत बांगलादेश आणि भारत यांच्यात करार झाला आहे. आमचे दोन सीमा रक्षक दल - बीएसएफ आणि बीजीबी या संदर्भात संवाद साधत आहेत. ही एकमतता अंमलात येईल आणि सीमा गुन्ह्यांना तोंड देण्यासाठी सहयोगी दृष्टिकोन स्वीकारला जाईल अशी आशा आहे.

#WATCH | Delhi: Nural Islam, Deputy High Commissioner of Bangladesh to India leaves from South Block after he was summoned by the Ministry of External Affairs

More details awaited. pic.twitter.com/WlF3UIArrR

— ANI (@ANI) January 13, 2025