बारामुल्लामधून भारतीय लष्कराने 44 संशयितांना केली अटक

जम्मू-काश्मीरच्या बारामुल्लामधून भारतीय लष्कराने 44 संशयितांना अटक केल्याचं वृत्त आहे. दहशतवादी कारवायांमध्ये सहभागी असल्याच्या संशयावरून

ऑनलाइन लोकमत

श्रीनगर, दि. 18 - जम्मू-काश्मीरच्या बारामुल्लामधून भारतीय लष्कराने 44 संशयितांना अटक केल्याचं वृत्त आहे. दहशतवादी कारवायांमध्ये सहभागी असल्याच्या संशयावरून त्यांना अटक केल्याचं समजत आहे. त्यांच्याकडून पेट्रोल बॉम्ब,मोबाईल, पाकिस्तान आणि चीनचे झेंडे तसेच दहशतवादाशी संबंधीत इतर साहित्य ताब्यात घेण्यात आलं आहे.

 

गेल्या काही दिवसांपासून सातत्याने होणा-या दहशतवादी हल्ल्यांच्या पार्श्वभुमीवर भारतीय लष्कराने शोधमोहिम हाती घेतली आहे.  लष्करासोबत बीएसएफ, सीआरपीएफ आणि स्थानिक पोलीसांच्या मदतीने कालपासून ही शोधमोहीम सुरू आहे. गेल्या 12 तासांत जुन्या बारामुल्लामधील जवळपास 700 घरांमध्ये केलेल्या तपासणीतून या 44  संशयितांना अटक केली आहे. दहशतवाद्यांना मदत केल्याचा आणि दहशतवादी कारवायांमध्ये सहभागी असल्याचा त्यांच्यावर संशय आहे.