काबूलमधल्या अपहरण झालेल्या भारतीय महिलेची अखेर सुटका
By admin | Published: July 23, 2016 09:36 AM2016-07-23T09:36:58+5:302016-07-23T14:25:54+5:30
काबूलमध्ये राहणा-या व सुमारे सहा आठवड्यांपूर्वी अपहरण करण्यात आलेल्या ज्युडिथ डिसूजा या महिलेची अखेर यशस्वीरित्या सुटका करण्यात आल्याची माहिती परराष्ट्र मंत्रालयातर्फे देण्यात आली.
काबूलमधल्या अपहरण झालेल्या भारतीय महिलेची अखेर सुटका
Next
ऑनलाइन लोकमत
नवी दिल्ली, दि. २३ - काबूलमध्ये राहणा-या व सुमारे सहा आठवड्यांपूर्वी अपहरण करण्यात आलेल्या ज्युडिथ डिसूजा या महिलेची अखेर यशस्वीरित्या सुटका करण्यात आल्याची माहिती परराष्ट्र मंत्रालयातर्फे देण्यात आली. कोलकाता येथील आगा खान डेव्हलपमेंट नेटवर्कची कर्मचारी असलेल्या ज्युडिथचे ९ जून २०१६ रोजी अपहरण करण्यात आले होते, अखेर आज तिची सुटका झाली.
' सहा आठवड्यांपूर्वी अपहरण झालेल्या ज्युडिथ डिसूजा यांची सुखरुपरित्या सुटका झाल्याचे सांगताना मला खूप आनंद होत आहे' अशा शब्दांत परराष्ट्र मंत्री सुषमा स्वराज यांनी ही माहिती जाहीर केली. मात्र यासंबंधी कोणतीही अधिक माहिती देण्यास त्यांनी नकार दिला. तसेच ज्युडिथच्या सुटकेसाठी मदत करणा-या अफगाणिस्तानचेही स्वराज यांनी आभार मानले.
दरम्यान याप्रकरणी त्यांनी राजदूत मनप्रीत व्होरा यांचेही कौतुक केले.
ज्युडिथ डिसुजा आगा खान डेव्हलपमेंट नेटवर्कची पूर्णवेळ कर्मचारी असून ९ जून रोजी इतर कर्मचा-यांसोबत कार्यालयाबाहेर उभी असताना तिचं अपहरण करण्यात आलं होतं. तालिबानने हे अपहरण केलं असल्याची शंका व्यक्त करण्यात येत होती. ज्युडितची सुटका व्हावी यासाठी आगा खान संस्था व परराष्ट्र मंत्रालयातर्फे अथक प्रयत्न करण्यात येत होते, अखेर आज त्या प्रयत्नांना यश मिळाले व ज्युडिथची सुखरूप सुटका झाली.
I am happy to inform you that Judith D'souza has been rescued. @jeromedsouza
— Sushma Swaraj (@SushmaSwaraj) July 23, 2016
Judith was abducted in Kabul on 9th June 2016.
— Sushma Swaraj (@SushmaSwaraj) July 23, 2016
Thank you Afghanistan - for all your help and support in rescuing #Judith.
— Sushma Swaraj (@SushmaSwaraj) July 23, 2016
Ambassador @VohraManpreet - you have done an outstanding job.#Judith
— Sushma Swaraj (@SushmaSwaraj) July 23, 2016
Judith D'Souza is with us - safe and in good spirits. She will reach her Motherland at the earliest. Vande Mataram. https://t.co/VAfBWpBAeN
— Sushma Swaraj (@SushmaSwaraj) July 23, 2016
I have spoken to Judith. She is reaching Delhi this evening. Ambassador @VohraManpreet is accompanying her.
— Sushma Swaraj (@SushmaSwaraj) July 23, 2016
