ओबामांच्या विधानावर भारताचा आक्षेप

जागतिक अण्विक सुरक्षेसाठी पाकिस्तानच्या बरोबरीने भारतालाही धोकादायक ठरवण्याच्या अमेरिकन राष्ट्राध्यक्ष बराक ओबामा यांच्या वक्तव्यावर भारताने आक्षेप घेतला आहे.

ऑनलाइन लोकमत 

नवी दिल्ली, दि. ४ - जागतिक अण्विक सुरक्षेसाठी पाकिस्तानच्या बरोबरीने भारतालाही धोकादायक ठरवण्याच्या अमेरिकन राष्ट्राध्यक्ष बराक ओबामा यांच्या वक्तव्यावर भारताने आक्षेप घेतला आहे. 

 

ओबामा यांनी भारताची सुरक्षे संदर्भातील भूमिका समजून न घेता हे विधान केले आहे असे परराष्ट्रमंत्रालयाचे प्रवक्त विकास स्वरुप यांनी सांगितले. 

 

पहिले अणवस्त्र न वापरण्याचे भारताचे धोरण असून, भारताने कुठल्याही शेजारच्या देशावर लष्करी कारवाई केलेली नाही. पहिले अणवस्त्र न वापरण्याच्या धोरणामुळे जगाला भारताच्या अणवस्त्र साठयापासून कुठलाही धोका नाही असे स्वरुप यांनी सांगितले. ओबामा यांनी अप्रत्यक्षपणे भारताला अणवस्त्र साठा कमी करण्यास सांगितले आहे.