Dibrugarh Delhi Indigo Flight Fire : विमानातील प्रवाशाच्या मोबाईलला लागली आग, उडाली एकच खळबळ
By ऑनलाइन लोकमत | Published: April 15, 2022 10:51 AM2022-04-15T10:51:28+5:302022-04-15T11:06:08+5:30
Dibrugarh Delhi Indigo Flight Fire : डीजीसीएच्या (DGCA) वरिष्ठ अधिकाऱ्याने सांगितले की, इंडिगोचे A320 निओ विमान VT-IJV कीप फ्लाइट क्रमांक 6E-2037 आसाममधील दिब्रुगढहून दिल्लीला येत होते.
Dibrugarh Delhi Indigo Flight Fire : विमानातील प्रवाशाच्या मोबाईलला लागली आग, उडाली एकच खळबळ
Next नवी दिल्ली : विमान प्रवासादरम्यान एका प्रवाशाच्या मोबाईलला आग लागल्याची घटना घडली. इंडिगोच्या A320 विमानात ही घटना घडली. यावेळी विमानात एका प्रवाशाच्या मोबाईल फोनमधून अचानक स्पार्किंग आणि धूर निघू लागला. यामुळे एकच खळबळ उडाली. यानंतर केबिन क्रूला माहिती देण्यात आली. विमान कर्मचाऱ्यांनी अग्निशमन दलाच्या मदतीने आग विझवली.
डीजीसीएच्या (DGCA) वरिष्ठ अधिकाऱ्याने सांगितले की, इंडिगोचे A320 निओ विमान VT-IJV कीप फ्लाइट क्रमांक 6E-2037 आसाममधील दिब्रुगढहून दिल्लीला येत होते. यादरम्यान एका प्रवाशाच्या मोबाईलमध्ये स्पार्किंग होऊन धूर येऊ लागला. याची माहिती तातडीने केबिन क्रूला देण्यात आली. यानंतर केबिन क्रूच्या सदस्यांनी केबिन अग्निशमन यंत्राच्या मदतीने आग आटोक्यात आणली. या दरम्यान कोणतीही दुखापत झाल्याचे वृत्त नाही.
Indigo A320 Neo aircraft VT-IJV operating flight 6E-2037 (Dibrugarh-Delhi) reported smoke and spark from a passenger’s mobile phone. Fire was doused by cabin crew using cabin fire extinguisher. No injury reported. Aircraft landed safely at Delhi: Senior DGCA official to ANI
— ANI (@ANI) April 15, 2022
डीजीसीएने दिलेल्या माहितीनुसार, विमान दिल्ली विमानतळावर (Delhi Airport) सुरक्षितपणे उतरले. इंडिगोने दिलेल्या निवेदनात म्हटले आहे की, दिब्रुगढ ते दिल्लीच्या फ्लाइटमध्ये मोबाईलमधून धूर निघत असल्याची घटना घडली आहे. क्रू मेंबर्सनी वेळ न घालवता त्वरीत परिस्थिती नियंत्रणात आणली. विमानातील कोणत्याही प्रवाशाचे किंवा मालमत्तेचे कोणतेही नुकसान झालेले नाही.