IRS अधिकारी राहुल नवीन यांची ED च्या संचालकपदी नियुक्ती
By ऑनलाइन लोकमत | Published: August 14, 2024 07:58 PM2024-08-14T19:58:53+5:302024-08-14T19:59:13+5:30
राहुल नवीन पुढील 2 वर्षांसाठी या पदावर राहतील.
IRS अधिकारी राहुल नवीन यांची ED च्या संचालकपदी नियुक्ती
IRS Rahul Navin :अंमलबजावणी संचालनालय, म्हणजेच ED ला स्थायी संचालक मिळाले आहेत. केंद्र सरकारने बुधवारी(दि.14) IRS अधिकारी राहुल नवीन (Rahul Navin) यांची ईडीच्या संचालकपदी नियुक्ती केली आहे. केंद्रीय कार्मिक मंत्रालयाने जारी केलेल्या अधिसूचनेत ही माहिती देण्यात आली. यापूर्वी राहुल नवीन यांच्याकडे ईडीच्या कार्यकारी संचालक पदाची जबाबदारी होती.
Appointments Committee of the Cabinet has approved the appointment of IRS officer Rahul Navin, Special Director, ED, as Director of Enforcement in the Directorate of Enforcement for two years with effect from the date of assumption of charge of the post, or until further orders,… pic.twitter.com/mMPMHBuBOf
— ANI (@ANI) August 14, 2024
यापूर्वी राहुल नवीन यांनी ईडीमध्येच अनेक महत्त्वाच्या पदांवर काम केले आहे. आर्थिक गुन्हे आणि मनी लाँड्रिंगशी संबंधित अनेक प्रकरणांच्या तपासात त्यांनी महत्त्वाची भूमिका बजावली आहे. ईडीचे माजी संचालक संजय कुमार मिश्रा यांचा कार्यकाळ पूर्ण झाल्यानंतर राहुल नवीन यांची गेल्या वर्षी 15 सप्टेंबर रोजी संस्थेच्या कार्यकारी संचालकपदी नियुक्ती करण्यात आली होती. त्यांनी अर्थमंत्र्यांचे सचिव म्हणूनही काम केले आहे. आता ते ED चे पूर्णवेळ संचालक म्हणून पुढील 2 वर्षे या पदावर राहतील.