इस्लामिक स्टेट इस्लामविरोधी - जमात-ए-इस्लामी
By लोकमत न्यूज नेटवर्क | Published: September 16, 2015 06:42 PM2015-09-16T18:42:23+5:302015-09-16T18:42:23+5:30
इस्लामिक स्टेट ही इस्लामिक नसून ती माणुसकीला काळिमा फासणारी संघटना असल्याची भूमिका जमात-ए-इस्लामीने मांडली असून
इस्लामिक स्टेट इस्लामविरोधी - जमात-ए-इस्लामी
Next
कोझिकोडे (केरळ), दि. १६ - इस्लामिक स्टेट ही इस्लामिक नसून ती माणुसकीला काळिमा फासणारी संघटना असल्याची भूमिका जमात-ए-इस्लामीने मांडली असून सध्याचा खलिफा ही इस्लामिक खलिफाची थट्टा असल्याचे या संघटनेचे अमिर अब्दुल अझिज यांनी म्हटले आहे.
इस्लामिक स्टेट प्रेषित मोहम्मदांच्या आधीच्या रानटी आयुष्याकडे जगाला पुन्हा एकदा नेण्याचे काम करत असल्याचे अझिज म्हणाले.
आपल्याला हवा तसा कुराणाचा अर्थ लावूनअन्य धर्मांप्रती द्वेष पसरवण्याचं काम इस्लामिक स्टेट करत असल्याचा आरोप त्यांनी केला आहे. मध्यपूर्वेत अशांतता निर्माण करण्यात ज्यांना रस आहे अशा शक्ती इस्लामिक स्टेटला खतपाणी घालत असल्याचा आरोपही अझिज यांनी केला आहे.
इस्लामिक स्टेटच्या अत्याचारांमुळे विस्थापित झालेल्यांना युरोप मदत करत आहे, परंतु आखाती देश दुर्लक्ष करत असल्याची बाब निषेधार्ह असल्याचेही अझिज म्हणाले.
इस्लामिक स्टेट इस्लामविरोधी असल्याचा संदेश देण्यासाठी जमातच्या वतीने राज्यभरात कार्यक्रम आखण्यात येणार आहेत.
