Jagdeep Dhankhar Jaya Bachchan: "बास झालं, तुम्ही सेलिब्रिटी असाल पण..."; जगदीप धनखड यांनी जया बच्चन यांची काढली खरडपट्टी

Jagdeep Dhankhar Jaya Bachchan, Monsoon Session: आजच्या सत्रात जगदीप धनखड यांना राग अनावर झाला आणि त्यांनी जया बच्चन यांना अतिशय कठोर शब्दांत सुनावलं

Jagdeep Dhankhar Jaya Bachchan: संसदेच्या पावसाळी अधिवेशनात गेल्या काही दिवसांपासून राज्यसभेचे सभापती जगदीप धनखड आणि खासदार जया बच्चन यांच्यात शाब्दिक द्वंद्व पाहायला मिळत आहे. धनखड यांनी जया बच्चन यांचे नाव घेताना जया अमिताभ बच्चन असे घेतल्यानंतर हा वाद सुरु झाला होता. माझी स्वत:ची ओळख असताना माझ्या पतीचे नाव घेतले जाऊ नये, असे मत जया बच्चन यांनी व्यक्त केले होते. त्यानंतर पावसाळी अधिवेशनाच्या सत्रात धनखड आणि जया बच्चन यांच्यात थोड्या प्रमाणात शाब्दिक चकमकी पाहायला मिळत होत्या. त्यातील पुढचा अंक आज पाहायला मिळाला. आजच्या सत्रात जगदीप धनखड यांना राग अनावर झाला आणि त्यांनी जया बच्चन यांना अतिशय कठोर शब्दांत सुनावलं.

नक्की काय घडला प्रकार?

आजच्या राज्यसभेच्या कार्यवाहीदरम्यान जया बच्चन बोलण्यासाठी उभ्या राहिल्या आणि त्यांनी धनखड यांच्यावर एक आरोप केला. "मी जया अमिताभ बच्चन, आज हे सांगू इच्छिते की मी एक कलाकार आहे, मला इतरांची देहबोली (बॉडी लँग्वेज) आणि चेहऱ्यावरील हावभाव समजतात. पण मला माफ करा सर, पण तुमचा बोलण्याचा टोन हा स्वीकारार्ह नाही. आपण सहकारी आहोत," असे जया बच्चन म्हणाल्या.

जगदीप धनखड यांनी काढली खरडपट्टी

"जया जी, तुम्ही खूप नाव कमावलं आहे. सारे तुमचा आदर करतात. पण तुम्हाला माहिती असेल की अभिनेत्याला कुठली गोष्ट कशी सांगायची हे दिग्दर्शकाला योग्य माहिती असते. तुम्ही काही गोष्टी तिथे बसून पाहू शकत नाही, ज्या मी या खुर्चीत बसून पाहू शकतो. दररोज मला हे पुन्हा असा प्रकार नकोय. मी येथे पाहून बऱ्याच गोष्टी पाहिल्या आहेत. तुम्ही माझ्या टोन बाबत बोलताय... आता बास झालं... तुम्ही भले सेलिब्रिटी असाल पण तुम्हाला सदनाचे पावित्र्य राखावेच लागेल. मी हे सारखं सारखं सहन करणार नाही."

Watch: Vice President and Rajya Sabha Chairman Jagdeep Dhankhar reacted to Jaya Amitabh Bachchan's statement, says, "You have earned a great reputation. You know, an actor is subject to the director. You have not seen what I see from here every day..." pic.twitter.com/ozwXADQbpd

— IANS (@ians_india) August 9, 2024

"अशा गोष्टींचे सवय करुन घेऊ नका. रोज येथे अशा भावनेतून येऊ नका की तुम्ही सेलिब्रिटी आहात आणि तुम्हालाच मान सन्मान आहे. येथे प्रत्येक सदस्याचा आदर केला जातो. त्यामुळे जो आदर-सत्कार तुम्ही कमावला आहात, त्याच्या लौकिकाल साजेशी वर्तणूक असू द्या. असले प्रकार या सदनात खपवून घेतले जाणार नाहीत," असेही जगदीप धनखड यांनी जया बच्चन यांना सुनावले.