जयपूरमध्ये 30 गाड्यांचा विचित्र अपघात, एकाचा मृत्यू तर 28 जखमी
By Admin | Published: January 29, 2017 02:23 PM2017-01-29T14:23:06+5:302017-01-29T14:23:57+5:30
राजस्थानची राजधानी जयपूरजवळ रविवारी सकाळी भीषण अपघात झाला. जयपूर-आग्रा महामार्गावर दाट धुक्यामुळे जवळपास 30 गाड्या एकमेकांवर आदळल्या.
जयपूरमध्ये 30 गाड्यांचा विचित्र अपघात, एकाचा मृत्यू तर 28 जखमी
Next जयपूर, दि. 29 - राजस्थानची राजधानी जयपूरजवळ रविवारी सकाळी भीषण अपघात झाला. जयपूर-आग्रा महामार्गावर दाट धुक्यामुळे जवळपास 30 गाड्या एकमेकांवर आदळल्या. यामध्ये एकाचा मृत्यू तर जवळपास 28 जण जखमी झाल्याचं वृत्त आहे.
जखमींपैकी 3 जणांची प्रकृती गंभीर असल्याचं सांगितलं जात आहे.
मिळालेल्या प्राथमिक वृत्तानुसार, जयपूरपासून 25 किलोमीटर दूर कनोटा येथे हा अपघात झाल्याचं प्राथमिक वृत्त आहे. अपघाताची माहिती गावक-यांना मिळाल्यानंतर त्यांनी मदतकार्याला सुरूवात केली. जखमींना जवळच्या रूग्णालयात दाखल करण्यात आलं आहे.
गेल्या आठवड्यातील या महामार्गावरील हा दुसरा मोठा अपघात आहे. गेल्या आठवड्यात परदेशी पर्यंटकांना घेऊन जाणा-या बसचा अपघात झाला होता यामध्ये 4 जणांनी जीव गमावला होता.
