गिरणाच्या लाभक्षेत्रातील धरणांमुळे जळगावला टंचाई पाणी आरक्षण जाहीर : मालेगावची वाढीव मागणी फेटाळली

(ग

्रामीणसाठी/हॅलोवर घेतली आहे)
जळगाव : गिरणा धरणाच्या लाभक्षेत्रावर चणकापूर, हरणबारी या धरणांची निर्मिती झाल्यामुळे हे गिरणा धरण पूर्ण भरत नाही. त्यावेळी जळगाव जिल्ह्यातून विरोध न झाल्याने चाळीसगाव, भडगाव, पाचोरा, अमळनेर, पारोळा, धरणगाव व एरंडोल या तालुक्यातील २५० गावांना पाणी टंचाईचा सामना करावा लागत असतो. मालेगाव शहरासाठी चणकापूर धरणावरून व्यवस्था करावी असे सांगत त्यांची वाढीव पाण्याची मागणी पाणी आरक्षण बैठकीत बुधवारी फेटाळण्यात आली.
जिल्हा नियोजन विभागाच्या सभागृहात पाणी आरक्षणाची बैठक झाली. या बैठकीला पालकमंत्री एकनाथराव खडसे, जि.प.अध्यक्षा प्रयाग कोळी, आमदार सुरेश भोळे, जिल्हाधिकारी रुबल अग्रवाल उपस्थित होते.
पालकमंत्री खडसे यांनी जिल्ह्यातील जलसाठ्यांमधील सद्यस्थितीचा आढावा घेतला. गिरणा जलाशय ते जामदा बंधारा येथून गिरणा नदीकाठावरील १०८ गावे, एरंडोल, भडगाव, चाळीसगाव, खरजईसह चाळीसगाव तालुक्यातील १४ गावांसाठी पाण्याचे आरक्षण करण्यात आले.
त्यानंतर जामदा बंधारा ते दहिगाव बंधारा या दरम्यान पाचोरा, हनुमंतखेडे व एरंडोल तालुक्यातील २५ गावे, भडगाव तालुक्यातील महिंदळे, पळासखेडे, टिटवी तांडा, आमडदे ग्रामीण पाणी पुरवठा योजना, कजगासह चार गावे तसेच पाचोरा तालुक्यातील माहिजीसह तीन गावे, एरंडोल तालुक्यातील आडगावसह १५ गावांसाठी पाणी आरक्षित करण्यात आले. यासोबतच पिंपळगाव म्हाळसा, पिलखोड, गिरड, शिंंदी पाणी पुरवठा योजना, पिंपळगाव बुद्रुक पाणी योजना, लोण प्र.अ., कळमडूसह चार गावे व भडगाव शहरासाठी पाणी आरक्षण करण्यात आले. मन्याड धरणातून २१.५० दलघफू पाणी आरक्षित करण्यात आले. बोरी धरणात १७५ दलघफू पाणी आरक्षित करण्यात आले आहे. या धरणात मृत साठा असल्यामुळे मात्र पाणी देता येणार नसल्याचे स्पष्ट करण्यात आले आहे. भोकरबारी धरणातील १० दलघफू पाणी आरक्षित करण्यात आले आहे. अंजनी मध्यम प्रकल्प १०५ दलघफू पाणी आरक्षित करण्यात आले आहे. यात एरंडोल, धरणगाव व कासोदा या शहरांना पाणी पुरवठा करण्यात येणार आहे.
भुसावळ तालुक्यातील हतनुर धरणातून औद्योगिक बिगर सिंचनसाठी १८६४.१४ दलघफू तर नगरपालिकांसाठी बिगर सिंचनासाठी १४२१.३५ दलघफू पाणी आरक्षीत करण्यात आले आहे. या धरणातून ग्रामीण पाणी पुरवठा योजनेसाठी ३७१५.५७ दलघफू पाणी प्रस्तावित करण्यात आले.