ITBP Jawans Bus Accident: मोठी दुर्घटना! 39 आयटीबीपी जवानांची बस दरीत कोसळली; 6 शहीद, अनेक गंभीर
By ऑनलाइन लोकमत | Published: August 16, 2022 12:23 PM2022-08-16T12:23:57+5:302022-08-16T12:47:52+5:30
ITBP Jawans Bus Accident: पहलगामच्या फ्रिस्लान जवळ घाटातून ही बस जात असताना रस्त्याकडेच्या नदीमध्ये खोल दरीत ही बस कोसळली आहे. या बसची अवस्था पाहता हा अपघात भीषण आहे.
ITBP Jawans Bus Accident: मोठी दुर्घटना! 39 आयटीबीपी जवानांची बस दरीत कोसळली; 6 शहीद, अनेक गंभीर
Next जम्मू काश्मीरमध्ये मोठी दुर्घटना घडली आहे. आयटीबीपी जवानांना घेऊन जात असलेली जम्मू काश्मीर पोलिसांची बस खोल दरीत कोसळली आहे. यामध्ये अनेक जवान गंभीर जखमी झाल्याची प्राथमिक माहिती येत आहे. तर सहा जणांचा मृत्यू झाल्याचे समजते आहे. बसचे ब्रेक फेल झाल्याने ही बस २०० फूट खोल दरीत कोसळली.
चंदनवारीहून पहलगाम येथे हे जवान जात होते. या बसमध्ये ३७ आयटीबीपीचे जवान आणि दोन जम्मू काश्मीर पोलिसांचे जवान प्रवास करत होते. अमरनाथ यात्रा परिसरात या जवानांची तैनाती करण्यात आली होती.
#WATCH Bus carrying 37 ITBP personnel and two J&K Police personnel falls into riverbed in Pahalgam after its brakes reportedly failed, casualties feared#JammuAndKashmirpic.twitter.com/r66lQztfKu
— ANI (@ANI) August 16, 2022
पहलगामच्या फ्रिस्लान जवळ घाटातून ही बस जात असताना रस्त्याकडेच्या नदीमध्ये खोल दरीत ही बस कोसळली आहे. या बसची अवस्था पाहता हा अपघात भीषण आहे. यामध्ये अनेक जवानांना गंभीर दुखापती झाल्याचे सांगितले जात आहे. तसेच या अपघातात मृतांचा आकडाही वाढण्याची शक्यता वर्तविली जात आहे.
Pahalgam, J&K | Six ITBP personnel have lost their lives, while several other personnel received injuries, who are being airlifted to Army hospital, Srinagar for treatment: Police
— ANI (@ANI) August 16, 2022
A bus carrying 37 ITBP personnel and two J&K Police personnel fell into riverbed in Pahalgam today pic.twitter.com/lVhNooPzlT
आयटीबीपीच्या सहा जवानांना आपला जीव गमवावा लागला आहे, तर इतर अनेक जवान जखमी झाले आहेत, त्यांना उपचारासाठी श्रीनगर येथील लष्करी रुग्णालयात हलवण्यात येत आहे, असे पोलिसांनी सांगितले.