Javed Akhtar: "मग न्याय अन् माणुसकी विसरून जा", तालिबान्यांना पाठिंबा देणाऱ्यांना जावेद अख्तरांनी सुनावलं
By ऑनलाइन लोकमत | Published: September 11, 2021 10:25 AM2021-09-11T10:25:45+5:302021-09-11T10:26:48+5:30
javed akhtar: बॉलीवूडचे प्रसिद्ध गीतकार जावेद अख्तर यांनी तालिबानला समर्थन देण्यास तयारी दाखवलेल्या कथित सभ्य आणि लोकशाही देशांना खडेबोल सुनावले आहेत.
Javed Akhtar: "मग न्याय अन् माणुसकी विसरून जा", तालिबान्यांना पाठिंबा देणाऱ्यांना जावेद अख्तरांनी सुनावलं
Next javed akhtar: बॉलीवूडचे प्रसिद्ध गीतकार जावेद अख्तर यांनी तालिबानला समर्थन देण्यास तयारी दाखवलेल्या कथित सभ्य आणि लोकशाही देशांना खडेबोल सुनावले आहेत. जगातील प्रत्येक लोकशाही प्रधान देशानं तालिबानला मान्यता देण्यास स्पष्ट नकार द्यायला हवा. तसंच अफगाणिस्तानातील महिलांवर अन्यायासाठी तालिबानचा कठोर निषेध करायला हवा, असं जावेद अख्तर यांनी म्हटलं आहे.
Every decent person ,every democratic government every civilised society in the world should refuse to recognise and condemn Talibans for their ruthless repression of Afgan women or let’s forget the words like justice , humanity and conscience.
— Javed Akhtar (@Javedakhtarjadu) September 10, 2021
जावेद अख्तर नेहमीच सामाजिक आणि राजकीय मुद्द्यांवर भाष्य करत असतात. त्यांच्या विधानांमुळे अनेकदा वादही निर्माण होतात. अख्तरांनी याआधी देखील तालिबानचा कठोर शब्दांत निषेध व्यक्त केला आहे. आता पुन्हा एकदा जावेद अख्तर यांनी ट्विट करत तालिबानी सत्तेला पाठिंबा देणाऱ्या देशांवर निशाणा साधला आहे. "प्रत्येक सभ्य व्यक्ती, लोकशाही प्रधान सरकार, जगातील प्रत्येक समाजानं तालिबान्यांना मान्यता देण्यास नकार द्यायला हवा. अफगाणिस्तानातील महिलांवरील अन्यायाबाबत सर्वच देशांनी निंदा केली पाहिजे अन्यथा न्याय, माणुसकी आणि विवेक असे शब्द विसरावे", असं रोखठोक मत अख्तरांनी व्यक्त केलं आहे.
The spokesperson of Taliban has told the world that women are not meant to be ministers but to stay at home and bear children but the so called civilised and democratic countries of the world are willing to shake Talibani hand . What a shame .
— Javed Akhtar (@Javedakhtarjadu) September 10, 2021
तालिबानच्या प्रवक्त्यावरही साधला होता निशाणा
तालिबानी प्रवक्ता सय्यद झकीरुल्लाह यानं महिलांबाबत केलेल्या वादग्रस्त विधानाचाही जावेद अख्तर यांनी समाचार घेतला होता. "तालिबानी प्रवक्त्यानं जगाला सांगितलं की महिला मंत्री बननण्याचा लायकीच्या नाहीत. त्या फक्त मुलांना जन्म घालण्यासाठी आहेत. असं विधान करणाऱ्यांच्या सरकारला मान्यता देण्याची तयारी कथित लोकशाही प्रधान देशांनी केली आहे ही अतिशय लाजीरवाणी बाब आहे", असं ट्विट जावेद अख्तर यांनी केलं होतं.