केजरीवालांनी केले धरणे आंदोलन; सीसीटीव्ही प्रकल्प अडवल्याचा आरोप

दिल्लीत सीसीटीव्ही कॅमेरे बसविण्याच्या प्रकल्पावरून आम आदमी पक्षाचे सरकार व लेफ्टनंट गव्हर्नर यांच्यातील संघर्ष सोमवारी रस्त्यावर आला. मुख्यमंत्री अरविंद केजरीवाल व त्यांचे मंत्रिमंडळातील सहकारी आणि आमदारांनी गव्हर्नर कार्यालयासमोर भाजपाच्या दडपणाखाली हा प्रकल्प अडवू नका, असे आवाहन करण्यासाठी धरणे धरले.
लेफ्टनंट गव्हर्नर अनिल बैजल यांच्या कार्यालयाबाहेर तैनात पोलीस अधिकाऱ्यांनी केजरीवाल व त्यांचे मंत्री बैजल यांची भेट घेऊ शकतात, परंतु आपच्या आमदारांना तुमच्यासोबत जाऊ दिले जाणार नाही, असे सांगितल्यानंतर केजरीवाल व त्यांच्या सहकाºयांनी निषेध आंदोलन सुरू केले. थोड्याच वेळात केजरीवाल, मंत्री व आमदार व आपच्या समर्थकांनी बैजल यांच्या कार्यालयापासून जेमतेम १०० मीटर्सवर धरणे आंदोलन सरु केले.