खापरखेडा.. दारू

म�

��हफुलाची दारू पकडली
खापरखेडा : वलनी पोलीस चौकीच्या हद्दीतील रोहणा येथे पोलिसांनी मोहफुलाची दारू पकडली. खापरखेडा पोलिसांनी ही कारवाई बुधवारी दुपारी १ वाजता केली. यात पोलिसांनी दुचाकी वाहनासह ४१ हजार रुपयांचा मुद्देमाल जप्त केला. खापरखेडा पोलिसांचे पथक गस्तीवर असताना रोहणा गावातून मोहफूल दारूची वाहतूक केली जात असल्याची गुप्त माहिती त्यांना मिळाली. त्या माहितीच्या आधारे पोलिसांनी घटनास्थळी सापळा रचला. आरोपी मोतीराम वामनराव चौधरी (४०) व गणेश श्रावण मेश्राम (३८) दोन्ही रा. वलनी हे एमएच-३१/एएफ-२८८३ क्रमांकाच्या दुचाकीवर ३० लिटर मोहफुलाची दारू रबरी ट्यूबमध्ये नेताना आढळले. दरम्यान, आरोपींची चौकशी केली असता, पोलिसांनी १५०० रुपये किमतीची मोहफूल दारू व दुचाकी जप्त केली. आरोपींनी सदर दारूसाठा पारडी येथून आणला असल्याचे पोलिसांनी सांगितले. या प्रकरणी आरोपींविरुद्ध गुन्हा दाखल केला असून, दोन्ही आरोपींना अटक केली. ही कारवाई ठाणेदार भीमराव टेडे यांच्या मार्गदर्शनात हेमंत रंगारी, अमित उमाठे, पंकज गुप्ता, अमित यादव, ईश्वर चव्हाण यांच्या पथकाने केली. (प्रतिनिधी)