काश्मिरात सहा अतिरेक्यांचा खात्मा

काश्मीरच्या उरी भागात नियंत्रण रेषेवर घुसखोरी करणाऱ्या सहा अतिरेक्यांना सैन्याने शुक्रवारी ठार केले. गत तीन दिवसांत घुसखोरीचा

श्रीनगर : काश्मीरच्या उरी भागात नियंत्रण रेषेवर घुसखोरी करणाऱ्या सहा अतिरेक्यांना सैन्याने शुक्रवारी ठार केले. गत तीन दिवसांत घुसखोरीचा हा तिसरा प्रयत्न हाणून पाडण्यात आला असून, यात एकूण १३ अतिरेक्यांना ठार करण्यात आले आहे.
सैन्य अधिकाऱ्यांनी सांगितले की, हे अतिरेकी सीमेपलीकडून घुसखोरी करण्याचा प्रयत्न करत होते. त्यानंतर सैन्याने गुरुवारीच उरी भागात विशेष मोहीम चालविली होती. या चकमकीत सहा अतिरेक्यांना ठार करण्यात आले.
नियंत्रण रेषेवरून घुसखोरी करून अतिरेकी पाठविण्याचे पाकिस्तानचे अनेक प्रयत्न गत २४ तासांत हाणून पाडण्यात आले आहेत. कुपवाडाच्या माछिल आणि नौगाम सेक्टरमध्ये तसेच बांदीपोराच्या गुरेज भागात ही घुसखोरी झाली. (वृत्तसंस्था)