नेवासा नगर पंचायत निवडणुकीसाठी अंतिम मतदार याद्या प्रसिध्द

य�

��द्या आज उपलब्ध होणार
नेवासा : नेवासा नगर पंचायतीच्या निवडणूक मतदार यादीची अंतिम मतदार प्रसिद्धीची तारीख २० मार्च असतांना २२ मार्च रोजी अंतिम मतदार याद्या निवडणूक आयोगाने प्रसिद्ध केल्या. गुरुवारी या याद्या उपलब्ध होणार असल्याची माहिती प्रभारी मुख्याधिकारी अविनाश गांगोडे यांनी दिली
नगरपंचायत निवडणुकीसाठी विविध पक्षांमधील इच्छुक मतदारांच्या गाठीभेटी घेत असताना न्यायालयीन प्रक्रियेमुळे निवडणूक लांबणीवर गेली असताना राज्य शासनाने पुन्हा सुधारित अधिसूचना काढून निवडणुकीचा मार्ग मोकळा केला. मतदार याद्या कार्यक्रमानुसार प्रारूप मतदार याद्या प्रसिद्ध करण्यात आल्या. या मतदार याद्यांमध्ये अनेकांची नावे गायब तर काही मतदारांची नावे राहत असलेल्या प्रभागातून दुसर्‍या प्रभागात गेल्याने प्रारूप मतदार याद्यांमध्ये मोठा गोंधळ झाला होता. त्यामुळे प्रभाग १ ते १७ मध्ये १ हजार ६०५ हरकती नोंदविण्यात आल्या होत्या. तसेच मुख्याधिकारी रजेवर गेल्याने प्रशासनाने अतिरिक्त मुख्याधिकारी अविनाश गांगोडे यांची नियुक्ती केली.
२० मार्च रोजी निवडणूक कार्यक्रमानुसार अंतिम तारीख असताना प्रशासनाला मात्र त्या वेळेत प्रसिद्ध करता न आल्याने शहरात नगर पंचायत निवडणूक पुन्हा पुढे ढकलण्यात आल्याची अफवा पसरली होती. इच्छुक उमेदवार मात्र नगर पंचायत कार्यालय व झेरॉक्स केंद्रावर मतदार याद्या आल्या की नाही यासाठी चकरा मारताना दिसत होते. मात्र आता त्यांची ही प्रतीक्षा संपली असून २२ मार्च रोजी अंतिम मतदार याद्या निवडणूक आयोगाने प्रसिद्ध केल्या.
नेवासा शहरात एकूण १३ हजार ९९६ मतदार असून प्रभाग निहाय अंतिम मतदार- प्रभाग एक ८५४, प्रभाग दोन- ८८५, प्रभाग तीन- १ हजार १८६, प्रभाग ४- ८१८, प्रभाग पाच- ४३६ ,प्रभाग सहा- े ९३२, प्रभाग सात- ७००, प्रभाग आठ- ६७५, प्रभाग नऊ- २५०, प्रभाग दहा-९०१, प्रभाग अकरा- १००२, प्रभाग बारा-११९०, प्रभाग तेरा- ७४४,प्रभाग चौदा-१०१२, प्रभाग पंधरा- ५९७, प्रभाग सोळा- ११३० तर प्रभाग सतरा ६८४. (शहर प्रतिनिधी)