रात्री उशीरा महिलेने झोमॅटोवरून जेवण मागविले, डिलिव्हरी बॉय आला अन्... भयानक प्रसंग

अहमदाबादमध्य़े मुसळधार पाऊस पडत होता, यामुळे डिलिव्हरीला उशीर झाला होता. सगळीकडेच समस्या असल्याने ती महिलेने या विलंबाकडे दुर्लक्ष केले.

पश्चिम बंगाल, महाराष्ट्रात महिला, लहान मुली अत्याचाराच्या शिकार बनत असताना गुजरातमध्ये फुड डिलिव्हरी बॉयने महिलेचा विनयभंग केल्याची घटना समोर आली आहे. अहमदाबादच्या एका महिलेने रात्री जेवण मागविले होते. ते देण्यासाठी आलेल्या झोमॅटोच्या डिलिव्हरी बॉयने तिला प्रायव्हेट पार्ट दाखविण्यास सुरुवात केली. हा प्रसंग या महिलेने एक्सवर उघड केला आहे. 

अहमदाबादमध्य़े मुसळधार पाऊस पडत होता, यामुळे डिलिव्हरीला उशीर झाला होता. सगळीकडेच समस्या असल्याने ती महिलेने या विलंबाकडे दुर्लक्ष केले. डिलिव्हरी बॉय आला व तो हसत हसत तिच्याकडे पाहून विलंब झाल्यावरून सारखे सारखे सॉरी म्हणू लागला. अंधार असल्याने तो काय करतोय हे दिसत नव्हते. अखेर तिने त्याच्या पायावर टॉर्च मारली तेव्हा त्याचा प्रायव्हेट पार्ट दिसत होता. 

तेव्हा तो मॅडम थोडी मदत करा, असे म्हणत होता. या महिलेने याची माहिती झोमॅटोला दिली, परंतू तिचा त्रास आणखी वाढला. झोमॅटोने दोन्ही बाजू ऐकून घेणार असल्याचे तिला सांगितले. तेव्हा रात्रीचे १ वाजले होते. झोमॅटोने या महिलेला तुम्ही पुढील नोटीस येण्याची वाट पहा असे सांगितले. एवढ्या रात्री रिफंड न मागता कोण असे करेल का, असा सवाल या महिलेने विचारला आहे. 

यानंतर झोमॅटोने या डिलिव्हरी बॉयवर कारवाई करत त्याला कामावरून काढले आहे. आता हा डिलिव्हरी बॉय पुन्हा या महिलेच्या पत्त्यावर येईल आणि तिला त्रास देईल, अशी भीती या महिलेला वाटत आहे. या महिलेने माहिती घेतली असता तिच्या भागातील अनेक महिलांसोबत असा प्रसंग झालेला आहे, परंतू त्या लाजेखातर गप्प आहेत.