कॉलेजमध्ये घुसून बिबट्याने मुलांवर केला हल्ला, घटना सीसीटीव्हीत कैद; पाहा VIDEO

उत्तर प्रदेशच्या अलीगडमधील एका कॉलेजमध्ये बिबट्या घुसला, कॉलेजच्या सीसीटीव्ही कॅमेऱ्यात ही घटना कैद झाली आहे.

अलीगड: तुम्ही अनेकदा रहिवासी भागात बिबट्या शिरल्याच्या आणि माणसांवर बिबट्याने हल्ला केल्याचा घटना पाहिल्या किंवा वाचल्या असतील. अशाच प्रकारची एक घटना पुन्हा एकदा घडली आहे. पण, यावेळीस बिबट्या चक्क महाविद्यालयात शिरलाय. यादरम्यान त्याने काही विद्यार्थ्यांवरही हल्ला केला, ज्यात मुले किरकोळ जखमी झाले. 

मिळालेल्या माहितीनुसार, उत्तर प्रदेशातील अलीगडमधील एका चौधरी निहाल सिंग इंटर कॉलेजमध्ये बिबट्या शिरला. यावेळी तो बिबट्या मुलांच्या वर्गात गेला आणि काही विद्यार्थ्यांवर हल्लाही केला. यात मुले किरकोळ जखमी झाले आहेत. दरम्यान, कॉलेजमध्ये लावण्यात आलेल्या सीसीटीव्ही कॅमऱ्यात या बिबट्याचा व्हिडिओ कैद झाला आहे.

"Man Vs Wild _ the graceful, agile, powerful tendua (leopard) treads into a classroom & will catch a short nap😴😴 before being released to jungle.."

Forest & Police officials rushed for rescue after we got an unusual panic call about leopard frm a college in Chara area #Aligarhpic.twitter.com/XVzSz67u8A

— Kalanidhi Naithani (@ipsnaithani) December 1, 2021

IPS अधिकारी कलानिधी नैथानी यांनी त्यांच्या ट्विटरवर या संपूर्ण घटनेचा व्हिडिओ शेअर केला आहे. शेअर केलेल्या फुटेजमध्ये बिबट्या वर्गात फिरताना दिसत आहे. बिबट्याने वर्गात फिरत असताना एका विद्यार्थ्यालाही जखमी केल्याचे सांगण्यात येत आहे. शाळांचे जिल्हा निरीक्षक धर्मेंद्र शर्मा यांनी ही माहिती दिली. तसेच, त्या जखमी विद्यर्थ्याला रुग्णालयात दाखल करण्यात आले आहे. या घटनेनंतर वन विभागाने बिबट्याला जेरबंद करुन दूर जंगला सोडले.