स्मृती इराणीच्या सभेला अर्ध्याहून अधिक खुर्च्या खाली

मध्यप्रदेश मधील ग्वाल्हेर लोकसभा मतदार संघातील भाजप उमेदवार विवेक शेजवलकर यांच्या प्रचारासाठी स्मृती इराणी डबरा येथे आल्या होत्या. डबरा येथे सभेला संबोधित करण्यासाठी इराणी पोहचल्यावरही सभेला गर्दीच झाली नाही.

मुंबई- शेवटच्या दोन टप्यात मतदान होण्याचे बाकी असताना, सर्वच राजकीय पक्षातील नेत्यांनी सभांचा धडाकाच लावला आहे. केंद्रीय मंत्री स्मृती इराणी यांना आपल्या एका सभेत भाषण उरकते घेत काढत पाय घेण्याची वेळ आली. मध्यप्रदेशमध्ये सभेसाठी गेलेल्या स्मृती इराणी यांच्या सभेला गर्दीच जमली नसल्याचे समोर आले आहे.

मध्यप्रदेश मधील ग्वाल्हेर लोकसभा मतदार संघातील भाजप उमेदवार विवेक शेजवलकर यांच्या प्रचारासाठी स्मृती इराणी डबरा येथे आल्या होत्या. डबरा येथे सभेला संबोधित करण्यासाठी इराणी पोहचल्यावरही सभेला गर्दीच झाली नाही. अर्ध्यापेक्षा जास्त खुर्च्या रिकाम्या दिसताच स्मृती इराणी यांनी अर्धवट भाषण देत दिल्लीकडे रवाना झाल्यात.

लोकसभा निवडणुकीच्या प्रचार सभेत रिकाम्या खुर्च्याचा फटका याआधी सुद्धा अनेक नेत्यांना बसला आहे. खुद्द पंतप्रधान नरेंद्र मोदींच्या सभेतून लोक खुर्च्या सोडून बाहेर पडतानाचे व्हिडिओ समोर आले होते.

ग्वाल्हेर लोकसभा मतदार संघ सिंधिया कुटुंबाच बालेकिल्ला समजला जातो. १९८४ मध्ये पहिल्यांदा निवडून येणारे माधवराव सिंधिया हे पुढील ४ निवडणुकांमध्ये विजयी ठरले होते. यावेळी मात्र भाजपकडून विवेक शेजवळकर तर कॉंग्रेसने अशोक सिंग यांना रिंगणात उतरवले आहे.