Levana Hotel Fire : लखनऊच्या लेवाना हॉटेलला भीषण आग, दोघांचा मृत्यू, अनेकजण अडकल्याची भीती

Levana Hotel Fire : काहीजण जखमी झाले असून दोघांचा मृत्यू झाल्याची माहिती समोर आली आहे.

लखनऊ : उत्तर प्रदेशची राजधानी लखनऊ येथील लेवाना हॉटेलमध्ये आज सकाळी भीषण आग लागल्याची घटना घडली. लेवाना हॉटेल लखनऊच्या हजरतगंज भागात आहे. लेवाना हॉटेलला आग लागल्याची माहिती मिळताच परिसरात एकच खळबळ उडाली. हॉटेलच्या खोल्यांमध्ये अनेक लोक अडकल्याचे सांगण्यात येत आहे. तसेच, काहीजण जखमी झाले असून दोघांचा मृत्यू झाल्याची माहिती समोर आली आहे.

आग लागल्यानंतर लेवाना हॉटेलमध्ये अडकलेल्या लोकांना खिडक्या तोडून बाहेर काढण्यात येत आहे. दरम्यान, लेवाना हॉटेल लखनऊमधील सर्वात उच्चभ्रू भागात असलेल्या हजरतगंजमध्ये आहे. लखनऊ रेल्वे स्टेशनपासून ते फक्त 10 मिनिटांच्या अंतरावर आहे. याच हॉटेलजवळ हजरतगंज मेट्रो स्टेशन देखील आहे. घटनास्थळी उपस्थित लोकांच्या म्हणण्यानुसार, हॉटेलला लागलेली आग खूप भीषण आहे. आगीमुळे काहीजण जखमी झाले असून दोघांचा मृत्यू झाल्याची माहिती समोर आली आहे.

#WATCH | Uttar Pradesh: Fire breaks out at a hotel in Hazratganj in Lucknow. Efforts underway to evacuate the people in the hotel rooms. Details awaited. pic.twitter.com/gxKy6oYyOO

— ANI UP/Uttarakhand (@ANINewsUP) September 5, 2022

दरम्यान, हॉटेलमध्ये बरेच लोक आहेत. आपत्कालीन एक्झिट तोडून लोकांना बाहेर काढले जात आहे. घटनास्थळी अग्निशमन दलाच्या अनेक गाड्या दाखल झाल्या असून मदतकार्य सुरु आहे. याशिवाय, लोकांना बाहेर काढण्यासाठी हॉटेलच्या खिडक्यांच्या काचाही तोडण्यात आल्या आहेत. तसेच, आगीत जखमी झालेल्या लोकांना रुग्णालयात नेण्यासाठी रुग्णवाहिका दाखल झाल्या आहेत. यादरम्यान, हॉटेलला लागलेल्या आगीच्या धुरामुळे गुदमरल्याने अनेक जण बेशुद्ध झाल्याचे सांगण्यात येत आहे.