घरमालकासोबत खेळायची लुडो, पैसे संपल्यावर महिलेने स्वत:ला पणाला लावले, त्यातही हरली; त्यानंतर...

Crime News: घरमालकासोबत लुडोचा डाव खेळताना पैसे गमावल्यावर एका महिलेने स्वत:लाच पणाला लावल्याचा आणि त्यामध्ये ती स्वत:ला हरल्याचा धक्कादायक प्रकार समोर आला आहे.

लखनौ - घरमालकासोबत लुडोचा डाव खेळताना पैसे गमावल्यावर एका महिलेने स्वत:लाच पणाला लावल्याचा आणि त्यामध्ये ती स्वत:ला हरल्याचा धक्कादायक प्रकार समोर आला आहे. लुडोमध्ये हरल्यानंतर ही महिला आता घरमालकासोबत राहत असून, तिने तिच्या पतीला मध्ये न पडण्यास आणि कागदपत्रं करून द्यायला सांगितले आहे.  

ही घटना उत्तर प्रदेशमधील प्रतापगड येथील कोतवाली परिसरात घडली आहे. येथील एक महिला पतीच्या अनुपस्थितीत घरमालकासोबत लुडे खेळायची. जेव्हा पैसे संपले तेव्हा या महिलेने स्वत:लाच पणाला लावले. त्यातही ती महिला स्वत:ला हरली. या घटनेची माहिती समजल्यावर पीडित पती परदेशातून परतला. आता त्याने पोलीस ठाण्यात तक्रार दिली आहे. तसेच एक व्हिडीओही सोश मीडियावर शेअर केला आहे. तो आता व्हायरल होत आहे. 

पीडित पतीने सांगितले की, मी प्रतापगडमदील देवकली येथे भाड्याच्या घरात राहतो. सहा महिन्यांपूर्वी रोजीरोटीसाठी राजस्थानमधील जयपूरमध्ये गेलो होतो. तिथून मी पत्नीला पैसे पाठवायचो. तेच पैसै माझी पत्नी घरमालकासोबत जुगारात उडवायची. पैसे संपल्यानंतर तिने स्वत:लाच पणाला लावले आणि स्वत:लाही हरवून बसली. 

या प्रकाराची माहिती महिलेने बाहेरगावी असलेल्या पतीला फोन करून दिली. ती म्हणाली की, मी स्वत:ला जुगारामध्ये हरले आहे. येऊन कागदपत्र तयार करा. तसेच आमच्यामध्ये पडू नका, नाहीतर तुकडे करून फेकून देऊ. या धमकीमुळे पतीला धक्का बसला आहे. या महिलेला दोन मुले आहेत. तसेच ती पणात हरल्यानंतर घरमालकासोबत राहत आहे. तिला समजावण्याचा खूप प्रयत्न केल्यानंतरही ती ऐकायला तयार नाही आहे.