बंदुकीचा धाक दाखवून चप्पल चाटायला लावले, टाचेखाली चिरडले, ४ जणांकडून अल्पवयीनाचं लैंगिक शोषण

Delhi Crime News: राजधानी दिल्लीमध्ये एका अल्पवयीनाला बंदुकीचा धाक दाखवूनी चप्पल चाटायला लावल्याची आणि त्याचं लैंगिक शोषण केल्याची धक्कादायक घटना समोर आली आहे. आरोपींनी अल्पवयीनाचं लैंगिक शोषण करताना आणि चप्पल चाटायला लावतानाचा व्हिडीओ तयार केला आणि तो सोशल मीडियावर शेअर केला.

राजधानी दिल्लीमध्ये एका अल्पवयीनाला बंदुकीचा धाक दाखवूनी चप्पल चाटायला लावल्याची आणि त्याचं लैंगिक शोषण केल्याची धक्कादायक घटना समोर आली आहे. आरोपींनी अल्पवयीनाचं लैंगिक शोषण करताना आणि चप्पल चाटायला लावतानाचा व्हिडीओ तयार केला आणि तो सोशल मीडियावर शेअर केला. हा व्हिडीओ व्हायरल झाल्यानंतर पोलिसांनी चार जणांना अटक केली आहे. ज्या चार आरोपींना अटक करण्याक आळी आहे ते गुन्हेगारी पार्श्वभूमीचे असल्याची माहिती समोर आली आहे. आरोपींविरोधात हत्या आणि लुटीचे अनेक गुन्हे दाखल आहेत.

आरोपींचा व्हिडीओ व्हायरल झाल्यानंतर पोलिसांनी आरोपींची ओळख पटवली आहे. व्हायरल व्हिडीओमध्ये दिसत असलेल्या आरोपींची ओळख ही हरिश भाटिया, पंकज ऊर्फ माया, अभिषेक ऊर्फ अमन आणि आर्यन अशी पटली आहे. चारही आरोपी जहांगिरपुरी येथील रहिवासी आहेत. पोलिसांनी वृंदावन येथून आरोपींना अटक केली आहे.  

उत्तर-पश्चिम दिल्लीमधील जहांगिरपुरी परिसरात एका ग्रुपने आपली ताकद दाखवून देण्यासाठी १७ वर्षांच्या एका मुलाला आपली चप्पल चाटण्यास भाग पाडले. तसेच त्याचं लैंगिक शोषणही केल्याची माहिती समोर आली आहे. पोलिसांनी दिलेल्या माहितीनुसार ४ सप्टेंबर रोजी जहांगीरपुरी येथे आरोपींनी पीडित मुलाला फरफटत नेले. त्याला पायांखाली चिरडले. तसेच हत्यारांची भीती दाखवून चप्प चाटण्यास भाग पाडले. पोलिसांनी सांगितले की, आरोपींनी पीडितांना अपमानित करण्यासाठी त्यांचे शोषण करून मोबाइल फोनवर व्हिडीओ तयार केला. तसेच आपली ताकद दाखवण्यासाठी तो सोशल मीडियावर शेअर केला.