CBSE टॉपर बलात्कार प्रकरणी मुख्य आरोपीसह तिघांना अटक

हरियाणातील रेवाडीमध्ये 19 वर्षीय तरुणीचे अपहरण करुन सामूहिक बलात्कार करण्यात आल्याची धक्कादायक घटना समोर आली होती.

रेवाडी : हरियाणातील रेवाडीमध्ये 19 वर्षीय तरुणीचे अपहरण करुन सामूहिक बलात्कार करण्यात आल्याची धक्कादायक घटना समोर आली होती. याप्रकरणी मुख्य आरोपीसह तिघांना अटक करण्यात पोलिसांना यश आलं आहे. 

पोलिसांनी पत्रकार परिषदेत दिलेल्या माहितीनुसार, या घटनेतील मुख्य आरोपी नीशूला पोलिसांनी अटक करण्यात आली आहे. या प्रकरणाच्या तपासासाठी विशेष तपास पथकाची (एसआयटी) स्थापना करण्यात आली होती. एसआयटीने 30 तासांच्या आत मुख्य आरोपीला अटक केली. दीनदयाल आणि डॉ. संजीव यांचा यामध्ये समावेश आहे. तर मुख्य आरोपी नीशूलाही पकडण्यात आता यश आले आहे.

Within 30 hours the SIT has arrested two people - Deen Dayal and Dr Sanjeev. The main accused Nishu has been nabbed, he is on his way: Nuh SP Naazneen Bhasin on Rewari gangrape case pic.twitter.com/k8gTHOWgw6

— ANI (@ANI) September 16, 2018

पोलिसांनी दीनदयाल हा ट्यूबवेलचा मालक आहे. तिथेच ही घटना घडली. तर संजीव डॉक्टर आहे. त्याने आरोपींना मदत केली. तसेच या घटनेत सहभागी असल्याचे पुरावे मिळाल्याचे सांगितले. मुख्य आरोपी नीशूने हा संपूर्ण कट रचला होता. त्यानंतर घटनास्थळी डॉक्टरला बोलावण्यात आले होते. या कटात लष्कराचा एक जवान ही सहभागी आहे. मात्र तो सध्या फरार आहे. लवकरच त्याला पकडण्यात येईल, असा विश्वास पोलीस अधीक्षक नाजनीन भसीन यांनी व्यक्त केला आहे.