ममता कुलकर्णी ही आपली पत्नी नाही - विकी गोस्वामी
By admin | Published: May 2, 2016 07:24 PM2016-05-02T19:24:23+5:302016-05-02T19:24:23+5:30
अभिनेत्री ममता कुलकर्णी ही आपली पत्नी नाही; तसेच अंमली पदार्थांच्या तस्करीशी आपला कोणताही संबंध नसल्याचा दावा आंतरराष्ट्रीय ड्रग्ज माफिया विकी गोस्वामी याने केले आहे
ममता कुलकर्णी ही आपली पत्नी नाही - विकी गोस्वामी
Next
नवी दिल्ली, दि. २ : अभिनेत्री ममता कुलकर्णी ही आपली पत्नी नाही; तसेच अंमली पदार्थांच्या तस्करीशी आपला कोणताही संबंध नसल्याचा दावा आंतरराष्ट्रीय ड्रग्ज माफिया विकी गोस्वामी याने केले आहे. अंमली पदार्थांची तस्करी केल्याप्रकरणी वॉन्टेड असलेल्या विकीने एका वृत्तवाहिनीला दिलेल्या मुलाखतीत हे धक्कादायक खुलासे केले आहेत.
ममता कुलकर्णी विषयी जे लोक उलट सुलट बोलतात त्यांना तिचा स्वभाव कसा आहे हे माहीत नसल्याचे विक्की म्हणाला. ती केवळ एक सेलिब्रिटी असल्यामुळे तिला या प्रकरणात ओढल जात आहे असे विकी म्हणाला.
ममता तुझी पत्नी आहे असे विचारले असता विकीने ती आपली पत्नी नाही असे सांगीतले, ती आपली फक्त एक शुभचिंतक आहे. ज्या वेळी मी आडचणीत होतो त्यावेळी ममताने मला मदत केल्याचे विकीने सांगीतले.
विकी गोस्वामीवर अमली पदार्थ तस्करीप्रकरणी अनेक गुन्हे आहेत. १९९७ मध्ये अमली पदार्थ तस्करीप्रकरणी दुबईत त्याला अटक करण्यात आली होती. तसंच 15 वर्षांच्या कारावासाची शिक्षादेखील झाली होती. त्यानंतर विकी गोस्वामी ममता कुलकर्णीसोबत केनियाची राजधानी नैरोबी येथे राहायला गेला. केनियामध्येही त्याच्यावर नवे गुन्हे दाखल करण्यात आले आहेत.
