आवडीची व्यक्ती मुख्यमंत्री व्हावी म्हणून त्याने देवाला वाहिली जीभ 

पाच राज्यातील विधानसभा निवडुकांच्या पार्श्वभूमीवर सध्या देशातील राजकीय वातावरण तापलेले आहे.  निवडणुकीत विजय मिळावा यासाठी नेते आणि कार्यकर्ते रात्रंदिवस एक करून काम करत आहे.

ठळक मुद्दे पाच राज्यातील विधानसभा निवडुकांच्या पार्श्वभूमीवर सध्या देशातील राजकीय वातावरण तापलेले आहे.पल्या आवडीची व्यक्ती आंध्र प्रदेश आणि तेलंगणाच्या मुख्यमंत्रिपदावर विराजमान व्हावी, असे साकडे देवाला घालत एका व्यक्तीने मंदिरात आपली जीभ कापून वाहिल्याचे समोर आले आहेआपल्याला कॅबिनेट मंत्रिपद मिळू दे, असे साकडेही या अवलियाने देवाला घातले

हैदराबाद - पाच राज्यातील विधानसभा निवडुकांच्या पार्श्वभूमीवर सध्या देशातील राजकीय वातावरण तापलेले आहे.  निवडणुकीत विजय मिळावा यासाठी नेते आणि कार्यकर्ते रात्रंदिवस एक करून काम करत आहे. दरम्यान, आपल्या आवडीची व्यक्ती आंध्र प्रदेश आणि तेलंगणाच्या मुख्यमंत्रिपदावर विराजमान व्हावी, असे साकडे देवाला घालत एका व्यक्तीने मंदिरात आपली जीभ कापून वाहिल्याचे समोर आले आहे. इतकेच नाही तर आपल्याला कॅबिनेट मंत्रिपद मिळू दे, असे साकडेही या अवलियाने देवाला घातले. 

तेलंगणा राज्यातील पश्चिम गोदावरी जिल्ह्यात हा प्रकार घडला आहे. महेश असे या जीभ कापून घेणाऱ्या व्यक्तीचे नाव आहे. पोलिसांनी दिलेल्या माहितीनुसार, महेश हा बुधावारी श्रीनगर कॉलोनीमधील व्यंकटेश्वर स्वामी मंदिरामध्ये आला. इथे पूजा केल्यानंतर तो गुडघ्यांवर बसला. त्यानंतर त्याने आपली जीभ कापून ती देवासमोर ठेवलेल्या दानपत्रात टाकली. हा प्रकार पाहिल्यानंतर तिथे उपस्थित असलेल्या लोकांनी याची माहिती पोलिसांना दिली. त्यानंतर पोलिसांनी घटनास्थळी धाव घेत या अवलियाला रुग्णालयात दाखल केले.

या व्यक्तीच्या खिशामधून एक पत्र सापडले आहे. तेलंगणा आणि तामिळनाडू या दोन तेलुगू राज्यांचे मुख्यमंत्री आपल्या आवडीचे व्यक्ती बनावेत, असे मला वाटते. तसेच राजकारणामध्ये मोठे पद मिळावे, अशी माझी अपेक्षा आहे. माझ्या आवडीच्या व्यक्तीने मुख्यमंत्रिपद स्वीकारल्यावर मला कॅबिनेट मंत्रिपद द्यावे, असा नवस चिठ्ठीमध्ये लिहून त्याने आपली जीभ कापली. दरम्यान, या तरुणाची प्रकृती आता स्थिर असल्याची माहिती त्याच्यावर उपचार करणाऱ्या डॉक्टरांनी सांगितले.