जम्मू काश्मीर : बांदीपोरा परिसरात जवानांनी दहशतवाद्यांना घेरलं, चकमक सुरू

सुरक्षा दलातील जवानांनी जम्मू काश्मीरमधील बांदीपोरा परिसरात काही दहशतवाद्यांना घेराव घातल्याची माहिती समोर आली आहे.  

श्रीनगर -  सुरक्षा दलातील जवानांनी जम्मू काश्मीरमधील बांदीपोरा परिसरात काही दहशतवाद्यांना घेराव घातल्याची माहिती समोर आली आहे. दहशतवादी लपून बसल्याची माहिती मिळाल्यानंतर सोमवारी (26 फेब्रुवारी) पहाटे 5 वाजण्याच्या सुमारास जवानांनी बांदीपोराच्या हाजिन परिसरात शोधमोहीम सुरू केली. यादरम्यान दहशतवाद्यांनी जवानांवर गोळीबारदेखील केला. यावेळी जवानांनीही दहशतवाद्यांच्या गोळीबारला सडेतोड प्रत्युत्तर दिलं.  

या संपूर्ण परिसराला जवानांनी घेराव घातला आहे. दरम्यान, परिसरात किती दहशतवाद्यांचा वावर आहे, याबाबती माहिती अद्यापपर्यंत स्पष्ट होऊ शकलेली नाही.  सध्या जवान दहशतवाद्यांच्या गोळीबाराला चोख उत्तर देत आहेत. घटनास्थळावरुन सीआरपीएफच्या45व्या बटालियनचे जवान आणि राष्ट्रीय रायफल्सच्या जवानांकडून हे संयुक्त ऑपरेशन चालवण्यात येत आहे.  दरम्यान, गुरुवारीदेखील (22 फेब्रुवारी) जवानांनी हाजिन परिसरात 2-3 दहशतवाद्यांना घेरलं होतं. एका घरात लपलेले दहशतवादी जवानांवर अंदाधुंद गोळीबार करत होते. यादरम्यान, एक जवान गंभीर स्वरुपात जखमीदेखील झाला होता. 

Jammu & Kashmir: Security forces started a cordon and search operation in Bon Mohalla of Bandipora's Hajin after terrorists fired on troops at 0515 hrs.

— ANI (@ANI) February 26, 2018