दिल्लीत मोहरमच्या मिरवणुकीत गोंधळ, आयोजकांशी वाद; जमावाकडून पोलिसांवर दगडफेक
By ऑनलाइन लोकमत | Published: July 29, 2023 11:31 PM2023-07-29T23:31:01+5:302023-07-29T23:31:16+5:30
पोलीस कर्मचारी जखमी, स्वत:च्या बचावासाठी करावा लागला सौम्य लाठीचार्ज
दिल्लीत मोहरमच्या मिरवणुकीत गोंधळ, आयोजकांशी वाद; जमावाकडून पोलिसांवर दगडफेक
Next Moharram Procession In Delhi: दिल्लीतील नांगलोई परिसरात मोहरमच्या मिरवणुकीत मोठा गोंधळ उडाला आहे. या मिरवणुकीत सुमारे 8 ते 10 हजार लोक सहभागी झाले होते. मिरवणुकीच्या आयोजकांना मिरवणुकीचा मार्ग अगोदरच सांगण्यात आला होता, मात्र मध्येच 1-2 आयोजकांनी मार्ग बदलण्यास सुरुवात केली. यावर पोलीस समजावून सांगण्यासाठी पुढे आले, मात्र तोपर्यंत जमावाने पोलिसांवरदगडफेक सुरू केली. मिरवणुकीत सुरू झालेल्या हिंसाचाराने भयंकर रूप धारण केले. त्यानंतर बचावासाठी व जमावाला शांत करण्यासाठी पोलिसांना सौम्य लाठीचार्ज करावा लागला. यादरम्यान अनेक पोलीस कर्मचारी जखमीही झाले आहेत.
Today in Delhi's Nangloi, during the Muharram procession, there was stone pelting. Both the police and the general public were targeted with stones. Delhi Police took immediate action to handle the situation. #Delhi#Muharrampic.twitter.com/rDFIwgcX9K
— Puneet Dhiman (@puneetdheman) July 29, 2023
काय आहे संपूर्ण प्रकरण?
डीसीपी हरेंद्र के सिंह यांनी सांगितले की, नांगलोई भागात ताजिया मिरवणूक निघाली होती ज्यात सुमारे 8-10 हजार लोक सामील होते. आयोजक शांततेने पुढे जात होते, त्यामुळे 1-2 आयोजक थोडे संतापले, त्यांनी आमच्या बैठकीत ठरलेला मार्ग बदलण्यास सुरुवात केली आणि पोलिस त्यांना रोखण्यासाठी पुढे आले तेव्हा त्यांनी दगडफेक करण्यास सुरुवात केली. बेशिस्त जमावाला नियंत्रणात आणण्यासाठी सौम्य लाठीचार्ज करावा लागला. यानंतर जमाव वेगळे करण्यात आल्याचे पोलिस अधिकाऱ्यांनी सांगितले.
मीडिया रिपोर्ट्सनुसार, या हल्ल्यात अनेक पोलिसही जखमी झाले आहेत. दगडफेकीमुळे अनेक पोलिसांच्या वाहनांचे नुकसान झाले आहे, मात्र आता सर्व काही आटोक्यात आले आहे. मात्र, याप्रकरणी अद्याप कोणालाही अटक करण्यात आलेली नाही. याप्रकरणी पुढील कायदेशीर कारवाई करण्यात येईल, असे पोलीस अधिकाऱ्यांनी सांगितले. त्याचबरोबर जखमी झालेल्या 8-10 पोलिसांना वैद्यकीय तपासणीसाठी पाठवण्यात आले आहे. ताजिया काढताना अशा घटना अनेक ठिकाणी पाहायला मिळाल्या आहेत. वाराणसीमध्ये ताजिया मिरवणुकीत शिया आणि सुन्नी समुदायांमध्ये दगडफेक सुरू झाली होती. पोलिसांनी मध्येच येऊन प्रकरणावर नियंत्रण मिळवले.