अरेरे! 3 मुलांची आई पाचव्या प्रियकरासह पळून गेली; शोधण्यासाठी नवऱ्याने लावले पोस्टर, म्हणतो...

महिलेचा पती आपल्या मुलांसह हातात पोस्टर घेऊन पत्नीचा शोध घेत आहे. मात्र अद्याप तिचा शोध लागलेला नाही.

उत्तर प्रदेशातील आझमगडमध्ये तीन मुलांची आई तिच्या पाचव्या प्रियकरासह पळून गेल्याची धक्कादायक घटना घडली आहे. महिलेचा पती आपल्या मुलांसह हातात पोस्टर घेऊन पत्नीचा शोध घेत आहे. मात्र अद्याप तिचा शोध लागलेला नाही. याप्रकरणी पोलीस ठाण्यात तक्रारही दाखल करण्यात आली आहे. पीडितेचा पती अनिल राजभर याने पोलिसांना सांगितले की, तो कामानिमित्त चंदीगडला गेला होता. तिथे त्याची रीना नावाच्या मुलीशी भेट झाली. या मैत्रीचं रुपांतर प्रेमात झालं आणि दोघांनी मंदिरात लग्न केलं.

अनिलने सांगितले की, लग्नानंतर तो पत्नी रीनासोबत गावी आला आणि दोघेही आनंदाने राहू लागले. सर्व काही ठीक चालले होते आणि रीनाने एका मुलीला जन्म दिला. त्यानंतर दोन जुळ्या मुलांचाही जन्म झाला. लग्नाला 9 वर्षं झाली. रीना अनेकदा पतीला सांगायची की तिचे अनेक मित्र आहेत पण तिने त्या सर्वांना सोडले आहे कारण तिला तिचं संपूर्ण आयुष्य पतीसोबत घालवायचं आहे. अनिलने या गोष्टींकडे फारसं लक्ष दिले नाही कारण त्यांचे कौटुंबिक जीवन चांगले चालले होते. त्याचा आपल्या पत्नीवर पूर्ण विश्वास होता आणि त्याचे तिच्यावर खूप प्रेम होते.

पीडित अनिल राजभरने सांगितले की, तो जेव्हा कामानिमित्त बाहेर जायचा तेव्हा त्याची पत्नी कोणाशी तरी बोलायची. एके दिवशी त्याने आपल्या पत्नीला विचारलं की, ती कोणाशी इतके दिवस बोलत होती आणि ती त्याला टाळू लागली. त्यानंतर 3 ऑगस्ट रोजी रात्री 8 वाजता रीनाला कोणाचा तरी फोन आला आणि ती घरातून निघून गेली. कामावरून परतल्यानंतर त्याला त्याची पत्नी घरी दिसली नाही, तेव्हा त्याने मुलांना आई कुठे आहे असं विचारलं.

बराच वेळ वाट पाहिल्यानंतर त्याने पत्नीचा इकडे-तिकडे शोध सुरू केला, मात्र ती कुठेच सापडली नाही, त्यानंतर 4 ऑगस्ट रोजी पत्नी हरवल्याची तक्रार पोलीस ठाण्यात नोंदवली. महिना उलटून गेल्यानंतरही पोलिसांना या महिलेचा शोध लागलेला नाही. मुलगी चार वर्षांची असून दोन्ही मुलगे अवघे दोन वर्षांचे आहेत. अनिल राजभर सांगतो की, त्याच्या पत्नीने अनेकदा लग्न केलं आहे, ती जास्त काळ कोणासोबत राहू शकत नाही. ती 9 वर्षे त्याच्यासोबत राहिली आहे. रीनाने आतापर्यंत काही लोकांची फसवणूक केली आहे. एका हिंदी वेबसाईटने याबाबतचे वृत्त दिले आहे.