खळबळजनक! VIP पार्टीचे प्रमुख मुकेश सहनी यांचे वडील जीतन सहनी यांची हत्या
By ऑनलाइन लोकमत | Published: July 16, 2024 08:53 AM2024-07-16T08:53:59+5:302024-07-16T08:55:00+5:30
Mukesh Sahani Father Jitan Sahani : विकासशील इंसान पार्टी (VIP) चे प्रमुख आणि बिहार सरकारचे माजी मंत्री मुकेश सहनी यांचे वडील जीतन सहनी यांची हत्या करण्यात आली आहे.
![Mukesh Sahani Father Jitan Sahani murder at home bihar darbhanga vip party | खळबळजनक! VIP पार्टीचे प्रमुख मुकेश सहनी यांचे वडील जीतन सहनी यांची हत्या Mukesh Sahani Father Jitan Sahani murder at home bihar darbhanga vip party | खळबळजनक! VIP पार्टीचे प्रमुख मुकेश सहनी यांचे वडील जीतन सहनी यांची हत्या](https://d3pc1xvrcw35tl.cloudfront.net/images/420x315/mukesh-shani_2024071267769.jpeg)
खळबळजनक! VIP पार्टीचे प्रमुख मुकेश सहनी यांचे वडील जीतन सहनी यांची हत्या
विकासशील इंसान पार्टी (VIP) चे प्रमुख आणि बिहार सरकारचे माजी मंत्री मुकेश सहनी यांचे वडील जीतन सहनी यांची हत्या करण्यात आली आहे. घरातच त्यांची हत्या झाल्याची माहिती मिळत आहे. दरभंगाच्या एसएसपींनी याला दुजोरा दिला आहे. या घटनेने परिसरात एकच खळबळ उडाली आहे.
एसएसपी जगुनाथ रेड्डी यांनी दिलेल्या माहितीनुसार, त्यांचा मृतदेह घरामध्ये अत्यंत वाईट अवस्थेत सापडला होता. पोलीस घटनास्थळी रवाना झाले असून अधिक तपास करत आहेत. जीतन सहनी यांचे घर दरभंगा येथील सुपौल बाजारच्या अफजला पंचायतमध्ये आहे.
रिपोर्टनुसार, जीतन सहनी यांची घरातच धारदार शस्त्राने निर्घृण हत्या करण्यात आली. यामुळे परिसरात खळबळ उडाली आहे. या संपूर्ण प्रकरणाची चौकशी सुरू करण्यात आली आहे.
बिहारमध्ये मुकेश सहनी विकासशील इंसान पार्टीचे (VIP) प्रमुख आहेत. निवडणुकीपूर्वीच त्यांचा पक्ष महाआघाडीत सामील झाला होता. लोकसभा निवडणुकीच्या पार्श्वभूमीवर हे डील मुकेश सहनी आणि RJD यांच्यात झालं होता.