"बॉम्ब फोडणारे लोकच आता सत्ताधारी, म्हणून २०१४ नंतर..."; मौलाना रजा यांचे वादग्रस्त विधान

मौलाना रजा यांच्या विधानामुळे नेटकरी संतप्त, दिली सडेतोड उत्तरं

PM Narendra Modi BJP | मोहम्मद पैगंबर यांच्याबाबत भाजपाच्या माजी प्रवक्ता नुपूर शर्मा यांनी केलेल्या विधानावरून देशभरात प्रचंड वाद सुरू आहे. त्यांच्या या विधानानंतर मुस्लिम धर्मगुरूंकडूनही विविध प्रकारची विधाने केली जात आहेत. बहुसंख्य मुस्लिमांनी नुपूर शर्मा यांच्या अटकेची मागणीदेखील केली आहे. याच दरम्यान, मौलाना तौकीर रजा यांनी एक अतिशय मोठं आणि वादग्रस्त विधान केले आहे. बॉम्बस्फोट घडवून आणणारे लोक सध्या सत्तेत आहेत, असे विधान त्यांनी जयपूरच्या एका कार्यक्रमात केले आहे. यानंतर, या विधानाचा सोशल मीडियावर नेटकऱ्यांकडून चांगलाच समाचार घेण्यात आला.

"या लोकांनी मुस्लीम लोकांवर विविध आरोप केले. पण माझा असा प्रश्न आहे की जो बॉम्ब २०१४च्या आधी फोडले जात होते (बॉम्बस्फोट घडवले जात होते), ते बॉम्बस्फोट आता बंद कसे काय झाले? हल्ली कुठेही बॉम्बस्फोट होत नाहीत कारण जे लोक बॉम्बस्फोट घडवून आणायचे ते लोक आता सत्तेत बसले आहेत. नरेंद्र मोदी हे आपल्या देशाचे पंतप्रधान आहेत. त्यामुळे त्यांनी आपल्या देशाची प्रतिम आंतरराष्ट्रीय पातळीवर मलिन करू नये. आमच्यावर (मुस्लीमांवर) अत्याचार करण्यात आले आहेत", असे मौलाना तौकीर रजा म्हणाले.

तौकीर रजा यांच्या विधानावर देशभरातील नेटकऱ्यांकडून संताप व्यक्त करण्यात आला. एका युजरने या विधानावर बोलताना लिहिले, 'आता जन्मभर नरेंद्र मोदी हेच भारताचे पंतप्रधान म्हणून कायम राहतील अशी शपथ आम्ही हिंदूंनी घेतली आहे. त्यामुळे आणखी किती दिवस असे ओरडत राहतात ते आम्ही पाहतोच.' याशिवाय दुसऱ्या एका युजरने लिहिले, 'मौलाना जी, मोदी यांना पंतप्रधान म्हणून तुम्ही किंवा तुमच्या समाजाने नव्हे तर हिंदू लोकांनी निवडून दिले आहे. जोपर्यंत हिंदू जिवंत आहेत, तोपर्यंत ते तिथेच विराजमान असतील. तुम्ही काय करता ते बघूया'