पुढच्या वर्षी भारतीय स्पेस स्टेशनवर जाणार! अंतराळवीरांना नासा प्रशिक्षण देणार

पुढील वर्षी आंतरराष्ट्रीय अंतराळ स्थानकावर जाणाऱ्या भारतीय अंतराळवीरांना नासा प्रशिक्षण देणार आहे.

पुढील वर्षी अमेरिका एका भारतीय अंतराळवीराला आंतरराष्ट्रीय अंतराळ स्थानकावर (ISS) पाठवणार आहे. यासाठी ISRO ने निवडलेल्या अंतराळवीरांना अंतराळ प्रवास आणि स्पेस स्टेशनमध्ये काम करण्याचे प्रशिक्षणही दिले जाईल. नासाचे प्रमुख बिल नेल्सन यांनी बेंगळुरू येथे माजी भारतीय अंतराळवीर राकेश शर्मा यांच्याशी झालेल्या भेटीत ही माहिती दिली.

"माझ्यासाठी देशात फक्त ४ जाती; त्यांच्या विकासासाठी..."; पंतप्रधानांचं मोठं विधान

यावेळी बिल नेल्सन म्हणाले की, अंतराळ उद्योगासंदर्भात भारत आणि अमेरिका यांच्यात अनेक मोठे करार  होत आहेत. आपण आपापसात विज्ञान शेअर करतो. NISAR उपग्रहाची तपासणी करण्यासाठी बिल नेल्सन बेंगळुरूला गेले होते. NASA-ISRO SAR म्हणजेच निसार उपग्रह पृथ्वीच्या कमी कक्षेत तैनात केला जाईल.

एसयूव्हीच्या आकाराचा हा उपग्रह पुढील वर्षाच्या पहिल्या तिमाहीत प्रक्षेपित होण्याची शक्यता आहे. NISAR दर १२ दिवसांनी एकदा संपूर्ण पृथ्वीचा नकाशा तयार करेल. यामध्ये बर्फाचे थर, हिमनदी, जंगले, समुद्र पातळी, भूजल, भूकंप, त्सुनामी, ज्वालामुखीचा उद्रेक, भूस्खलन यांसारख्या नैसर्गिक आपत्तींची माहिती दिली जाणार आहे.

भारताला पुढील दशकात जागतिक स्तरावर आपली उपग्रह प्रक्षेपण बाजारपेठ पाचपट वाढवायची आहे. म्हणून, या वर्षी जूनमध्ये, अमेरिकेच्या आर्टेमिस करारावर स्वाक्षरी केली. या करारात १९६७ च्या बाह्य अवकाश करारात अनेक बदल करण्यात आले आहेत. जेणेकरून अधिकाधिक सामील होऊ शकतील.

अंतराळ आणि चंद्रावर जाताना देशांमध्ये समन्वय असावा. भारताने ऑगस्टमध्ये चंद्राच्या दक्षिण ध्रुवाजवळ चांद्रयान-3 उतरवून यशस्वी केले. तर रशियाचे लुना-25 लँडर दक्षिण ध्रुवाजवळ क्रॅश झाले. तेव्हापासून भारताच्या अवकाश उद्योगाची मागणी जगभरात वाढली आहे. चीन आणि अमेरिका लाखो-करोडो रुपये खर्च करत आहेत.चीनने २०१९ मध्येच चंद्राच्या दूरवर सॉफ्ट लँडिंग केले आहे. त्यांच्याकडे अजूनही अनेक मोहिमा आहेत, ज्या चंद्रावर पाठवल्या जातील. चीनने २०२२ मध्ये आपल्या अंतराळ मोहिमेवर १२ अब्ज डॉलर्स खर्च केले आहेत. म्हणजे १ लाख कोटींहून अधिक. अमेरिका २०२५ पर्यंत आर्टेमिस मून कार्यक्रमावर ७.७५ लाख कोटी रुपये खर्च करणार आहे.