लग्नात हुंडा मागणा-या नवरदेवाविरोधात नववधूची पोलीस ठाण्यात धाव

ऑनलाइन लोकमत

छत्तीसगड, दि. 30 - हुंडा प्रथेमुळे अनेकांचे संसार मोडले जात असतानाही ही प्रथा अजून बंद होण्याचं नाव घेताना दिसत नाही. काही दिवसांपुर्वी लातूरमध्ये लग्न करण्यासाठी वडिलांना कर्ज मिळत नसल्याने शेतक-च्या मुलीने विहिरीत उडी घेऊन आत्महत्या केल्याची घटना समोर आली होती. अनेकदा तरुणी या प्रथेविरोधात आवाज उठवताना दिसत नाही. मात्र छत्तीसगडमधील कोरिया येथे हुंडा मागणा-या नवरदेवाविरोधात नववधूने फक्त आवाज उठवला नाही, तर पोलिसांकडे तक्रारही केली. तरुणीने केलेल्या तक्रारीच्या आधारे पोलिसांनी नवरदेवाला अटक केली आहे.