लष्करातील उच्चपदस्थ अधिकाऱ्यांच्या पदोन्नतीचे नियम बदलणार, १ जानेवारीपासून नवीन धोरण

हे धोरण १ जानेवारीपासून कर्नल, ब्रिगेडियर, मेजर जनरल आणि लेफ्टनंट-जनरल पदांसाठी लागू होणार आहे.

नवी दिल्ली : लष्कराने आपल्या वरिष्ठ अधिकाऱ्यांच्या नवीन पदोन्नती धोरणाला (प्रमोशन पॉलिसी) अंतिम रूप दिले आहे. यामध्ये पात्रता, शारीरिक तंदुरुस्ती (फिटनेस) आणि विविध शस्त्रे आणि सेवांमधील असमानता कमी करण्यावर अधिक भर दिला जातो. हे धोरण १ जानेवारीपासून कर्नल, ब्रिगेडियर, मेजर जनरल आणि लेफ्टनंट-जनरल पदांसाठी लागू होणार आहे.

एका इंग्रजी वेबसाइटने लष्कराच्या एका सूत्राचा हवाला देत म्हटले आहे की, सध्याच्या पदोन्नती धोरण काळाच्या कसोटीवर उतरले असले तरी, सतत विकसित होत असलेल्या ऑपरेशनल आवश्यकता पूर्ण करण्यासाठी धोरणे गतिशील असणे आवश्यक आहे. लष्कराकडे इंफॅन्ट्री आणि आर्मर्ड कॉर्प्ससारखी लढाऊ शस्त्रे आहेत. लष्कारामध्ये जवळपास ८० लेफ्टनंट-जनरल, ३०० मेजर जनरल, १२०० ब्रिगेडियर आणि ५६०० कर्नल आहेत.

सुत्रांच्या माहितीनुसार, लष्करी अधिकाऱ्यांकडून वरिष्ठ पदांवर पदोन्नती रोखण्यासारख्या दीर्घकालीन तक्रारी लक्षात घेता, नवीन धोरण सर्व शस्त्रे आणि सेवांच्या संवर्गाच्या आकांक्षांना संबोधित करेल. हे सर्व पदोन्नती मंडळांमध्ये जवळजवळ एकसमान समाधान देईल आणि गुणवत्तेला बळकट करेल, असे सुत्रांनी सांगितले. 

दरम्यान, नवीन धोरण हे देखील सुनिश्चित करेल की कर्मचारी प्रवाहातील मेजर जनरल्सचा लेफ्टनंट-जनरलच्या पदोन्नतीसाठी विचार केला जाईल. मात्र फक्त कर्मचारी पदांसाठी असेल. सध्या कमांड आणि स्टाफ स्ट्रीममधील मेजर जनरल्सना सहसा पुढील रँकवर बढती दिली जाते.