ATM मधून लवकरच येणार 20 आणि 50 च्या नोटा

स्टेट बँक ऑफ इंडियासह इतरही बँकांच्या एटीएममधून लवकरच 20 आणि 50 रुपयांच्या नोटा येणार आहेत

ऑनलाइन लोकमत
नवी दिल्ली, दि. 14 - स्टेट बँक ऑफ इंडियाच्या एटीएममधून लवकरच 20 आणि 50 रुपयांच्या नोटा येणार आहेत, अशी माहिती स्टेट बँक ऑफ इंडियाच्या अध्यक्षा अरुंधती भट्टाचार्य यांनी दिली आहे.
दरम्यान, गेल्या काही दिवसांपासून 500 आणि 1000च्या नोटा बंद केल्यानंतर 100 रुपयांच्या नोटा एटीएममधून उपलब्ध करून दिल्या जात आहे. तसेच 500 आणि 1000 रुपयांच्या नोटा चलनातून बाद केल्याने बँकांमध्येही मोठ्या प्रमाणात गर्दी पाहायला मिळते आहे. त्यानंतर आता एक पाऊल पुढे टाकत ग्राहकांच्या सुविधेसाठी 20 आणि 50 रुपयांच्या नोटाही एटीएममध्ये उपलब्ध करून दिल्या जाणार आहेत, अशी माहिती एसबीआयच्या अध्यक्षा अरुंधती भट्टाचार्य यांनी दिली.

सर्वप्रथम या नोटा एसबीआयच्या एटीएममध्ये उपलब्ध होणार असून, त्यानंतर 20 आणि 50 च्या नोटा इतर बँकांच्याही एटीएममधून मिळू लागल्यास लोकांना दैनंदिन व्यवहार करणं फायदेशीर ठरणार आहे, असंही अरुंधती भट्टाचार्य म्हणाल्या आहेत. त्यामुळे एसबीआय एटीएममध्ये 20 आणि 50 च्या नोटा कधी उपलब्ध करते, ग्राहकांमध्ये याची प्रचंड उत्सुकता लोकांना लागून राहिली आहे. तसेच 20 आणि 50च्या नोटा उपलब्ध झाल्यास पहिल्यांदाच 100 रुपयांखालील रकमेच्या नोटा एटीएममधून बाहेर येणार आहेत.

दरम्यान, काळ्या पैशाला आळा घालण्यासाठी पंतप्रधान नरेंद्र मोदी यांनी हे महत्त्वपूर्ण निर्णय घेतल्यानं त्याची फारच चर्चा झाली. 500 आणि 1000 रुपयांच्या जुन्या नोटा चलनातून रद्द केल्यानंतर नोटांसंदर्भात देशभरात गोंधळ होता. मात्र अरुंधती भट्टाचार्य यांच्या या वक्तव्यामुळे ग्राहकांना काही प्रमाणात दिलासा मिळण्याची शक्यता आहे.

In coming days, when rush decreases we will start dispensing Rs 50 & 20 notes apart from Rs 100 in ATMs: SBI Chairman Arundhati Bhattacharya pic.twitter.com/ZxPdxBhsZc

— ANI (@ANI_news) 14 November 2016