Baba Ramdev: आता रामदेव बाबांनी उडविली डॉक्टरांची खिल्ली; बोलले, "डिग्रीशिवाय मी बनलो डॉक्टर"

Ramdev Baba Controversial statement: ॲलोपॅथी हे मूर्ख विज्ञान आहे, असे म्हणत त्यांनी देशभरात वाद उभा केला होता. जेव्हा त्यांच्यावर कारवाई झाली तेव्हा त्यांनी हे वक्तव्य मागे घेत असल्याचे म्हटले. त्याच्या दुसऱ्याच दिवशी एका मुलाखतीमध्ये त्यांनी डॉक्टरांची खिल्ली उडविली आहे.

अॅलोपथीवरून दोन दिवसांच्या वादावर पडदा टाकणाऱ्या रामदेव बाबांनी  (Baba Ramdev)  पुन्हा एकदा वादग्रस्त वक्तव्य केले आहे. आता त्यांनी कोरोना वॉरियरवर वार केला आहे. ॲलोपॅथी हे मूर्ख विज्ञान आहे, असे म्हणत त्यांनी देशभरात वाद उभा केला होता. जेव्हा त्यांच्यावर कारवाई झाली तेव्हा त्यांनी हे वक्तव्य मागे घेत असल्याचे म्हटले. त्याच्या दुसऱ्याच दिवशी एका मुलाखतीमध्ये त्यांनी डॉक्टरांची खिल्ली उडविली आहे. (Ramdev Baba once again Controversial statement on Doctors.)

योग गुरु बाबा रामदेव यांनी एका योग शिबिरातील तरुणासोबत झालेल्या चर्चेचा हवाला देऊन डॉक्टरांची खिल्ली उडविली आहे. तसेच १००० हून अधिक डॉक्टर कोरोना लसीचे दोन डोस घेऊनही मृत्यूमुखी पडले आहेत. ते डॉक्टर स्वत:लाच वाचवू शकले नाहीत, असे रामदेव बाबा यांनी म्हटले आहे. 
रामदेव बाबा या व्हिडीओमध्ये म्हणत आहेत की, डॉक्टर बनायचे असेल तर रामदेव बाबासारखे बना. ज्याच्याकडे कोणतीही डिग्री नाहीय, परंतू सर्वांचा डॉक्टर आहे. विदाऊट एनी डिग्री, डिग्निटी आय अॅम अ डॉक्टर. 

या वक्तव्यानंतर पुन्हा एकदा आयएमएने आक्षेप घेतला आहे. आयएमएने उत्तराखंडचे मुख्यमंत्री तीरथ सिंह रावत यांना रामदेव बाबांवर कारवाई करण्याची मागणी केली आहे. 

रामदेव बाबांना हर्षवर्धन यांनी फटकारलेले...

"संपूर्ण देशातील नागरिकांसाठी डॉक्टर्स देवदूत ठरत आहेत. ते दिवसरात्र मेहनत घेऊन रुग्णांची सेवा करत आहेत. बाबा रामदेव यांनी उपचारांसंबंधी केलेलं विधान म्हणजे कोरोना योद्धांच्या भावनांना ठेच पोहोचवणारं आहे. यासंदर्भात फक्त स्पष्टीकरण देऊन चालणार नाही. बाबा रामदेव यांनी आपलं विधान जाहीरपणे मागे घ्यायला हवं", असं डॉ. हर्षवर्धन यांनी बाबा रामदेव यांना लिहिलेल्या पत्रात म्हटलं होतं.